Fegl
Aus Wikipedia
| Fegl | ||||||||||||
|---|---|---|---|---|---|---|---|---|---|---|---|---|
 |
||||||||||||
| Taxonomie | ||||||||||||
|
||||||||||||
| Untaglàssna | ||||||||||||
|
T'Fegl oda Fäigl (Aves, Oazoi: Fogl oda Fougl) sànt a Glàss fo di Låndwirwifiecha, nema di Wechslfiecha (Amphibia), Griachfiecha (Reptilia) und di Spofiecha (Mammalia). D'Wissnschåft fo di Fegl hoaßt Ornithologie. Fegl hod's af olle Kontinenta fo da Wöid. Bis heid kennt ma ca. 9.800 Årtn; owa ungwiß is, ob's ned insgsåmt föi meara Årtn gàwad, wåmma à olla ausgstormna midrechnan dàd.
A jeda Fogl hod an zålosn Schnowi und oi Fliagl ois Vordagliedmåßn, à wånna neda fliang ko; as Gfieda wird reglmàssi gwechslt (luag: Mausa). Aussadem lengt's oi Oa. Typisch fia t'Fegl sànt dazua nu da Nestbau.
Zu di Fegl ghearn unta åndam dazua:
- d'Greiffegl midm Ådla, midm Geia und midm Håwicht
- d'Aina midm Auf und mid da Schnèain
- d'Àntnfegl mid di Àntna, midm Schwå und mid da Gåns
- t'Stöizfegl midm Gràni, midm Reia und midm Storch
- t'Hianafegl mid da Hena und midm Kaudara
- d'Làffegl midm Fogl Strauß und midm Emu
- di Dauchafegl, z.B. da Haumdaucha
- exotische Fegl wia Kolibris oda Pinguina
D'grèsste Glàss sànt owa t'Singfegl, zu dene wos meara wia t'Höiftn fo olle Foglårtn dazuaghearn, z.B.:
- da Står und da Spoz
- d'Lerchn und t'Schwoim
- olle Finkn, wia da Buachfink und da Distlfink
- d'Råmfegl: d'Grå, d'Dàchl, da Håtz, d'Öista und da Råb
