Franca revolucio de 1789
El Vikipedio
Historio > Franca revolucio de 1789 < Francio < Eŭropo
La Franca revolucio de 1789 estas konsiderata kiel la komenco de la moderna epoko. Unuafoje en Eŭropo estis signife faligita monarkio. Tio ŝanĝis ne nur la historion de Francio sed de tuta Eŭropo.
La Franca Revolucio komenciĝis en 1789 post redakto de la postulokajeroj (Cahiers de doléances) antaŭ la asembleo Ĝeneralaj Statoj (Etats généraux). Simbola evento estas la preno de la Bastille okazinta je la 14-a de julio 1789.
Sekvas la kunveno de la Konstituciiga Asembleo (Assemblée Constituante) kiu redaktis la unuan francan konstitucion, kiu komence estis konstitucia monarkio.
En 1792 pro streĉo de la rilatoj inter Francio kaj la aliaj eŭropaj ŝtatoj la ankoraŭ reganta reĝo Ludoviko la 16-a provis fuĝi eksterlanden. Tio provokis radikaligon de la revolucio kaj proklamadon de la Unua Respubliko, la 22-an de septembro 1792.
La lando pli serĉadis stabilecon dum la periodoj nomataj "Konvencio" (La Convention 1792 - 1795), kie regis teorie la Konstitucio de 1793 (sed ĝi neniam estis aplikata, konsidere la cirkonstancojn) kaj Direktoraro (Directoire 1795 - 1799).
La jaroj 1793 - 1794 estas markitaj de plej radikala revolucia povo kun Danton kaj Robespiero : estis "la Teroro" (La Terreur), kiu finiĝis kun la "Termidora revolucio" (Révolution de Thermidor) reakcia burĝa kontraŭrevolucio, (kun abortigita provo de socialisma revolucio far Babeuf).
Oni konsideras ke la periodo de la franca revolucio finiĝas kiam Napoléon Bonaparte faris sian puĉon je la 9-a de novembro 1799 (18-a de brumero de la jaro VIII de la Franca respublika kalendaro.)
[redaktu] Ligoj
Historio de la Franca Revolucio inter 1789 kaj 1814, paĝoj anglalingvaj- paĝoj pri la muzeo de la Franca Revolucio, franclingvaj
- notoj kaj arkivoj 1789-1794, anglalingvaj
- Libereco-Frateco-Egaleco - la Franca Revolucio, anglalingvaj
- Angla Kial la franca revolucio bonege estis.
[redaktu] Vidu ankaŭ jenon:
 Sturmado de la Bastilo, pentraxjo de Jean-Pierre Louis Laurent Houel, 1789 |
 La Libereco, gvidante la popolon", pentraĵo de Eugène Delacroix |
 Revoluciuloj Sans-Culotte |
 la "Tenis-hala Ĵuro" de la Nacia Asembleo, skizo de Jacques-Louis David |
 |
Ĉi tie estas aldonaj eksteraj ligiloj por la artikolo. Vi povas helpi al Vikipedio se vi elektos la taŭgajn eksterajn ligilojn kaj metos ilin en la artikolon. |
