Franc Kral
Z Wikipedije, swobodneje encyklopedije
| Franc Kral | |
|---|---|
| datum narodźenja: | 26. nowembra 1886 |
| ródna wjes: | Radwor |
| datum zemrěća: | 25. septembra 1915 |
| městno zemrěća: | Loosa |
Franc Kral narodźi so 26. nowembra 1886 w Radworju a padny 25. septembra 1915 pola Loosa.
Wón narodźi so jako syn Jakuba Krala, poda so wuchodźiwši tachantsku šulu na Katolski wučerski seminar w Budyšinje. W lětach 1907 a 1908 dyrbješe do wójska. W lěće 1908 sta so z pomocnym wučerjom w Chrósćicach, 1911 do 1914 skutkowaše potom jako wučer w Kamjencu.
Franc Kral zastupi 1908 do Maćicy Serbskeje a bě mjez załožerjemi Domowiny, w kotrejž wukonješe funkciju sekretara.
Jako spisowaćel skutkowaše (pseudonym: Rachlowc) hłownje na polu dramatiki. Přełožowaše a wobdźěłowaše hry a napisa přiručku Naše dźiwadło (Budyšin 1913). Załoži dźěćacej časopisaj Raj a Zahrodka jako přiłoze Katolskeho Posoła a Serbskich nowin. W lětach 1911 do 1914 bě redaktor kulturneho časopisa Łužica.
[wobdźěłać] Literatura
Słodeńk, J., Nekrolog. W: ČMS 74(1915), str. 146-151.
G. H., Franc Kral-Rachlowc. Před 60 lětami. W: Nowa doba 29, 197, 23. 8. 1975, Př
|
Tutón nastawk njewotpowěduje standardam wikipedije. Tu móhło so slědowace polěpšić:
|
