Lino Brocka

From Wikipedia

Lino Brocka
Naipasngay
Abril 3, 1939 Sorsogon, Filipinas
Pimmusay
Mayo 21, 1991 Manila, Filipinas

Ni Catalino Ortiz Brocka (Abril 3, 1939—Mayo 21, 1991) ket maysa kadagiti mabigbig a kalaingan a direktor iti pelicula iti Filipinas.

Naipasngay isuna iti provincia ti Sorsogon, umuna nga anak da Regino Brocka, maysa Bicolano a karpentero ti bilog, ken ti maikadua nga asawana a ni Pilar Ortiz, naam-ammona iti Nueva Ecija. Dimmakkel ni Brocka idiay Sorsogon agingga idi pinatayda ni tatangna. Gapu iti kinapanglawda, nagsubli ni Pilar ken dagiti annakna iti San Jose, Nueva Ecija ket nagbalinda a katkatulong sadiay.

Nagbasa ni Brocka iti Universidad ti Filipinas (U.P.) kalpasan ti panagescuelana iti Nueva Ecija. Iti U.P. ti nangrugianna a nagtrabaho iti teatro ken iti pelicula. Ditoy met iti nakabirokanna dagiti Mormon a nangallukoy kenkuana a sumurot kadakuada, uray no ti gapuna laeng ket kayatna ti agdakiwas iti sabali a luglugar. Nakapan isuna idiay Hawai'i kas misionario iti dua a tawen. Gapu ta maysa isuna a bakla nga activista, pinanawanna met laeng iti kina-Mormon idi agangay.

Ti Naiyuper iti Balitok (Tagalog: Tubog sa Ginto), Tinimbangka ngem Kurang (Tagalog: Tinimbang Ka Ngunit Kulang), Manila: Iti Kuko ti Lawag (Tagalog: Maynila: Sa Kuko ng Liwanag) ken ti Insiang dagiti umuna a limmatak a peliculana.

Nagbalin isuna nga activista a politico gapu iti panangbusorna iti censorship nga inyetnag ti Linteg Militar a govierno ni Ferdinand Marcos.

Naikkan iti Pammadayaw a Nailian nga Artista iti Pelicula idi 1997 (kalpasan iti pannakatayna idi 1991 iti maysa nga aksidente iti lugan).

[baliwan] Dagiti napili nga obrana

• Santiago (1970)
• Wanted: Perfect Mother (1970)
• Tubog sa Ginto (1971)
• Stardoom (1971)
• Tinimbang Ka Ngunit Kulang (1974)
• Maynila: Sa Kuko ng Liwanag (1975)
• Insiang (1976)
• Jaguar (1979)
• Bona (1980)
• Macho Dancer (1989)
• Orapronobis (1989)
• Gumapang Ka sa Lusak (1990)
• Makiusap Ka sa Diyos (1991)