Mehmet Ali Ağca

Úr Wikipediu, frjálsa alfræðiritinu

Mehmet Ali Ağca (fæddur þann 9. janúar, 1958) er meðlimur í tyrknesku fasistahreyfingunni Gráu Úlfarnir. Ağca er frægur fyrir að hafa skotið Jóhannes Pál páfa II á torgi heilags Péturs þann 13. maí 1981.

Eftir að hafa setið 19 ár í fangelsi á Ítalíu, og svo 5 ár til viðbótar í tyrknesku fangelsi fyrir morðið á ritstjóra vinstrisinnaðs dagblaðs, var Ağca látinn laus úr fangelsi á skilorði þann 12. janúar 2006. Hæstiréttur Tyrklands fyrirskipaði hins vegar þann 20. janúar sama ár að hann skildi handtekinn aftur á þeim grundvelli að ekki væri hægt að draga dvöl hans í fangelsi á Ítalíu frá afplánun hans í Tyrklandi.