წაღვერი
ვიკიპედიიდან
წაღვერი - დაბა ბორჯომის რაიონში. მდებარეობს თრიალეთის ქედის ჩრდილოეთ კალთებზე, ზღვის დონიდან 1020-1130 მ-ის სიმაღლეზე, ბორჯომიდან 14 კმ-ზე მის სამხრეთ-აღმოსავლეთით. წაღვერზე გადის ბორჯომი-ახალქალაქის საავტომობილო გზა. დაბის სტატუსი მიიღო 1926 წელს. მოსახლეობა 1.1 ათასი (2002). წაღვერი სამთო-კლიმატური კურორტია. ვახუშტისთან ფიგურირებს “წაღველი”, ფიქრობენ რომ ეს ისეთივე ტოპონიმია, როგორც წაღვლი (მდებარეობს ხაშურის რაიონში). მათი პირველსახე წიაღველი უნდა იყოს, რაც ნიშნავს იქითა ანუ გაღმა მდებარე ველს. ასეთია ძველი წაღვრის მდებარეობა აწინდელთან. XIX ს-ის 30-იან წლებში მეფის მთავრობამ პოლტავის გუბერნიიდან გადმოსახლებულთა ნაწილი აქ ჩამოასახლა.
