Eurodollarmaart

Vu Wikipedia, der fräier Enzyklopedie.

En Eurodollarass en Dollar, dee baussent den USA kreéiert gëtt. Et huer näischt mam Euro ze dinn.

Dëse Marché ass richteg lancéiert gi wéi d'Amerikaner d' Zënsausgläichsteier 1963 agefouert hun. Fir eng Gesellschaft war et méi schwéier ginn, sech Geld um amerikanesche Maart duerch eng Emissioun vun Obligatiounen ze beschafen, well se op den Zënsen hu missen dem amerikaneschen Staat 15% ofginn.

Doduerch ass den Eurodollarmarché richteg opgebléit. Amplaz datt Firmaen (vir un allem amerikanesch multinational Firmen) sech Geld (Dollaren) um amerikanesche Marché beschaaft hunn, hu se dat baussent den USA gemaach (ënner anerem zu Lëtzebuerg).

[Änneren] Den Numm

Den Numm vun Eurodollar kennt och net vun Europa. Den Numm kënnt vun der sowjetescher Bank Eurobank, déi als éischt Bank hir Avoiren während der Koreakris vun 1951 vun New York ofgezunn huet, an se zu Bréissel placéiert huet, aus Angscht, se kéinte vun den amerikaneschen Autoritéiten agefruer ginn.