Geschicht vum Lëtzebuerger Finanzsecteur

Vu Wikipedia, der fräier Enzyklopedie.

De Lëtzebuerger Finanzsecteur huet sech net linear entwéckelt, mee éischter a Wellen an ofhängeg vum economeschen Ëmfeld.

An dësem Arktikel gëtt d'Evolution vun der Banken- an Assuranceplaz Lëtzebuerg am historeschen an aktuelle Kontext beschriwwen. Et gëtt beschriwwen, wéi d'Finanzplaz Lëtzebuerg a relativ kuerzer Zäit zu enger wichteger internationaler Gréisst ginn ass.

Wichteg Etappen heiranner sinn:

déi éischt Banken sin zu Lëtzebuerg Mëtt dem 19ten Jorhonnert entstanen. Et muss en hei den Hannergrond vun der Situatioun kucken. Lëtzebuerg war Member vum däitsche Zollverein an d'Sidirurgie huet ugefaangen (vierun allem mat däitschem Kapital ze entstoen. Et sin entstanen : d'staatlech Spuerkees (Caisse d'Epargne d'Etat) an déi privat Interbank (Banque Internationale du Luxembourg).
d'Memberschaft vu Lëtzebuerg am Zollveräin war nom 1.Weltkrich eriwwer a Lëtzebuerg huet sëch en aner Partnerschaft misse sichen. Nodem dass d'Fransousen keng economesch Unioun mat Lëtzebuerg wollten, huet Lëtzebuerg mat der Belsch 1921 d'"Union Economique Belgo-Luxembourgeoise" gegrend. Vun dem Moment datéiert och d'belsch-lëtzebuergesch Währungsunioun (de belsch-lëtzebuergesche Frang). D'Finanzgeschäfter zu Lëtzebuerg hun sech vun do un éischter Richtung Belsch, awer och Frankräich orientéiert. Déi bis vierum 1.Weltkrich vierherrschend däitscht Kapital an der lëtztebuerger Sidirurgie war nom 1. Weltkrich net méi do.
d'Gesetz vun den Holdingen vun 1929, dat déi Gesellschaften, déi zu Lëtzebuerg nemmen fir d'Verwaltung vun Bedeelegungen gegrennd gin, vun der nationaler Gesellschafts- a Verméigenssteier freistellt.
d'Schafen vun der Bourse zu Lëtzebuerg am Joer 1929 (ausgerechent am Joer vun dem grousse Crash op der New Yorker Bourse mat der Ausléisung vun der Weltwirtschaftskris).
déi belsch a franséisch Banken zu Lëtzebuerg (privat Placementer)
déi US-amerikanesch, däitsch a skandinavesch Banken zu Lëtzebuerg am Zesummenhang mam Eurodollarmaart
déi däitsch Banken déi sech zu Lëtzebuerg nidderglooss hun, well se beim Vergin vun Krediter zu Lëtzebuerg net hu missen déi däitsch Mindestreserven anhalen.
Grennung vun der CEDEL oder Clearstream ("Centre de Livraison de Valeurs Mobilières", enger Livraisounsgesellschaft vun Wertpabeieren déi vollautomatesch a fir déi éischte Kéier computerennerstetzt fonktionéiert) am Joer 1970
d'Gesetz vun 1981 dat d'Bankgeheimnis zu Lëtzebuerg ennerstreicht an domater de Klima fir de Private Banking schaaft.
de Private Banking (begënschtegt duerch esou Faite wéi déi däitsch Quellesteier am Joer 1992 ......)
de Fondmaart begenstegt duerch déi zäiteg Emsetzung vun den EG-Richtlinien vum Wertpabeiergeschäft 1985(???)
d'Gesetz vun 1999 fir d'Promotioun vun internationalen Pensiounsfongen
d'Assurancen
de Beschloss vun der Quellesteier bannent der EU (a gläichzeiteg Ophiewe vum Bankgeheimnis an aneren EU-Länner) an hiren Afloss op d'Lëtzebuerger Finanzplaz. Lëtzebuerg huet sech (nieft Éistreich an der Belsch) bei dësem Accord vun 2005 d'Bankgeheimnis bannent der EU erhalen. All déi aner Natiounen bannent der EU iwemëttelen vun do un d'Informatiounen vu Konten un d'jeweilegt Résident's Land.
de Beschloss vun der "Abgeltungssteuer" oder Quellesteier fir Lëtzebuerger Résidenten mat gläichzeiteger Ofschafung vun der Verméigenssteier.

Dest weist och dorop hin, dass de Lëtzebuerger Finanzsecteur keen Finanzsecteur ass, den permanent all Branchen vum Bankgeschäft ofdeckt, mee sech op Niichen spézialiséiert.

Eng vun de ganz wichtegen Caractéristiquen vum Lëtzebuerger Finanzsecteur ass, dass en Exportundeel vun 80% huet an domat am Géigesaatz zu aneren Finanzplaatzen (London, Frankfurt, Paräis, ... déi e groussen nationalen Undel hun) extrem ofhängeg ass vum Ausland.