Асҭампылтәи Аҧсуа Бжьы
Материал из Wikipedia
Амшын еиқәа сыҽҧынгылауп-
Иасымша нырцә сыҧшыуа.
Мышыи ҵареи зергьы ыисуеит-
рыҧба ыҟам са сзынхьыуа.
Сгәы-сгәаҵәа нырцәҟа иынхаит,
Сзыӡысаом, сызҧыруам.
Згммхәтәы иахьӡау ргәрҕьа бжьы нгао,
Сaра сгәы хәуп, схьаа тәалам.
Мрагылантәи ҧшак аасысыр-
Рыҧсы алаушь ҳәа сахәауеит.
Мрагыла ицао ҧшак аасысыр-
"Сымшра рызга!" ҳәа сҵәаауеит.
Амшын анырцә иыҽҧынгылау,
Сан, абааҧсы бгәы камҳааит.
Сгәыдыбкыларц бнапы иеиҵыхыу
Бгәы каҳаны ихьамыҩрааит!
Быҷкәын сара, ччарада зхашҭыз,
Бгәыҳәҧы схы нкыдҵаны-
Аҵәыуара зны сақәиҭхар-
Саагәыдыбкылап срыҕәҕәаны.
Сзымӡсао, сзымҧыруа,
Мшыни жәҩани саиааины,
Арсӡа ицарым, аамҭак ааиып,
Саагәыдыбкылап срыҕәҕәаны.
Згәаҕь мҧысуа ирыцхырааҩыу
Аамҭеи гәаҕьи ҳахәаны,
Зны ҳаиндыриап, иабацарыи,
Саагәыдыбкылап срыҕәҕәаны.
Быҷкәын сара, ччарада зхашҭыз
Бгәыҳәҧы схы нкыдҵаны-
Аҵәуара зны сакәиҭхар-
Саагәыдыбкылап срыҕәҕәаны.
ОМАР БЕИГӘАА(1901-2001)
