Bise
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Biise« |
D Biise oder au de Biiswind isch en zimli chalte unagneeme Wind, wo im Winter us nordöstliche Richtig bloost und chalti Kontinentalluft is Alpegibiet bringt. Dur d Alpe und em Jura iigengt, cha si im Schwizerische Mittelland recht heftig werde. Am stäärchste isch d Biise im Biet vom Gempfersee, wo si e Windgschwindigkait vo 60 km/h öberchoo haa, mit Böespitze vo mee as 100 km/h. D Biise chan bis zom Französische Zentralmassiv goo. Staut si dai oder au im Jura dunkli Wolke uuf, haisst si "la bise noire" (di schwaarzi Biise). D Ostbiise gelt as chüeler und tröchner as d Nordbiise.
S Wort Biise (altalem. bîsa) chunnt nu im Alemannische vor, isch aber vom Französische as la bise öbernoo worde. D Bidütig vom Wort isch nöd bikannt.
