Burgdorf
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Burdlef« |
| Wappe | |
|---|---|
 |
|
| Basisdate | |
| Kanton: | Bern |
| Bezirk: | Burdlef |
| BFS-Nr.: | 0404 |
| PLZ: | 3400-3402 |
| Koordinate: | 47° 06' n. Br. 7° 62' ö. L. |
| Höchi: | 533 m ü. M. |
| Flächi: | 15.60 km² |
| Iwohner: | 14'959 (31. Dezember 2006) |
| Websyte: | www.burgdorf.ch |
| Charte | |
 |
|
D Stadt Burdlef (amtlich Burgdorf), s sogenannte "Tor zum Ämmitau", isch e Stadt mit hystorische Muure, ca. 20 Kilometär vo Bärn. D Iwonerzau belouft sech uf ungfähr 15'000 Iwoner (Stand April 2007) [1]
Inhaltsverzeichnis |
[ändere] Schloss
Es git es Schloss ds Burdlef. Das Schloss isch so richtig ds Wahrzeichä vo Burdlef, ou der Name chunnt vo dem Schloss. Eigentlich isch es meh e Burg, aber es isch zu Zähringerszyte haut aus Schloss brucht wordä. Im Schloss obä si drü verschidäni Museums, ds Goldmuseum, ds Vöukerchunde und ds Schlossmuseum. Ou ds Gricht und d Ungärsuechigshaft si im Schloss obä. Vom Schloss us chame eigentläch ganz Burdlef überblickä, ou wenn mä kei Itrit wot zahle chamä uf üsi Badi go abä luegä.
[ändere] D Altstadt
D Altstadt isch ufem Hogär obe und het no richtig hystorischi Hüsär. Ir Altstadt obe si bischpiuswis d Stadtbibliothek, dr Manor, und ds Chino Chronä. Es het ou no e Chleidärvögele, e Poscht und nid ds vergässe der Buchmann, der Spilwahrehändlär. Empfählenswärt isch ds Teegärtli, dert chame verschidenschte Tee choufä, fasch so wie ds Bern der Haribo-Lade, nur viu gsündär.
[ändere] D Ungerstadt
Ir Ungerstadt isch eigentläch aues Modernä. Der Neumarkt, mitem Migros, Denner, Reisebüro usw. D Mergelä (unverkennbar) mitem Interdiscount und em Vögele Schuhe. Ir Ungerstadt isch ou der Houptbahnhof und die meischtä Banke (D UBS isch aus einzigi Bank ir Oberstadt/Altstadt). Für Kunschtinteressierti hets ds Gertsch Museum, grad vorem Äntelipark. Im Chino Rex chöme immer die nöischtä Fiume.
[ändere] Firmenä
Es git grossi Firmenä in Burgdorf, wie Roche, YpsoMed, Aebi, Seewer Rondo Doge oder ESA.
[ändere] Personä
Es git viu Lokali Prominänz, aber ou Schwizerprominänz chunnt vo Burdlef
- d Birgit Steinegger wo aube ir Sändig Total Birgit chunnt het ihri Wurzlä in Burgdorf.
- Dr Herr Michu, einä vo de richschtä Manne ir Schwiz
[ändere] Markthalle
Diä gröschti Veranstaltige wie bischpiuswis ds Baarfestival finge ir grosse Markthallä hinger der Schütz stadt. Vor der Markthalle isch aube ou no Fiehmärit.
[ändere] Solätä
Solenität isch öppis wome bischpiuswis ou z Murtä kennt, ds isch es traditionells Schuelärfescht, mit Umzug düre Tag und Feschdetä am Obe. Dr Namitags Umzug geit uf d Schütz wo no chlii öbbis geit: d 1-bis 4 Klässler müesse am Namitag uf dr Schütz es Tänzli (vo de lehrer i studiert) vorfüere, d 5 Klässler hei denn uf de Schütz e staffet ud Oberstufe Schüeler müesse e säuber i gschtudierte Reige uuffüere
[ändere] GymBurg
Es git o es Gymnasium z'Burgdorf. Es schteit ufemnä Hügu ir nechi vor Chiuche. Dert hets o viu Lehrer, u glii mau gö d'Tertia Klasse ines Schii- u Snouboordlager.
