Falsche Freunde
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Faltschi Fründ« |
 |
Sälle Artikel erlüütert d' Übersetzigsschwierigkeit; für anderi Bedütige lueg Falscher Freund (Begriffsklärung) |
D' de:Falsche Freunde, alem:Falschi Fründ, ghöred zue de Schwierigkeite fürs übersetze.
Es sind Wortpaar vo zwei Sprache, wo orthografisch oder phonetisch ähnlich sind, aber verschiideni Bedütige händ. D'Wörter chönnd entweder diä gliiche Wurzle ha, oder händ e reini zuefälligi Änhlichkeit. By relativ nöche verwandte Schprache (z. B. Hochdütsch und Niederländisch) oder settige, wo zämme früehner vill Kontakt händ gha (z. B. Dütsch und Französisch), sind falschi Fründ meh verträte (z. B. Dütsch und Japanisch). By de letztschte dänkt me, das es en Zuefall isch.
Usserdem hüüfig werde Wörter als falschi Fründ bezeichnet, wo wiä gwöhnlichi Främd- oder Lähnwörter uusgsehnd, aber i de Schprach, wos Wort härchunnt, kei oder e anderi Bedütig händ.(Biischpiel: Handy bedütet im Änglische nöd Mobiltelefon, sondern handlich; Parterre bedütet im Französische nöd Erdgschoss, sondern zum Boden abe).
Näbe de beschriibene interlinguale (i Bezüchig uf zwei Schprache) falschi Fründe gits no diä intralinguale (innerschprachliche). Intralinguali falschi Fründ oder Paronym cha me au "falschi Brüedere" nänne - na em Buech vom Franzose J. Bertrand: Dictionnaire Pratique des Faux Freres - mots a ne pas confondre entre eux (1979), zum Biischpiel: antiseptique/aseptique, amoral/immoral.
Inhaltsverzeichnis |
[ändere] Falschi Frind im Zämmehang mit em Alemannische
Mit Abkirzige wird adittet, wu s alemannisch Wort verbreitet isch. Wel niäme e greßere Dialäktraüm gnaü iberblickt, heißt des aber numme, ass e Wort do in e Deil Ortschafte verbreitet isch. S heißt nit, ass es in jedem Ort brücht wird. Schriib witteri Abkirzige drzue un makriär diini Biispiil drmit!
(a) = allgmein verbreitet
(ba) = bodeseealemannisch
(bd) = bärndütsch
(bsd) = baselditsch
(ha) = hochalemannisch
(ml) = Markgräflerland
(oa) = oberrhiinalemannisch
(osch) = Oberschwabe
(sch) = schwäbisch
(sd) = standardditsch
(sg) = Sanggale, Ostschwiz
(sw) = Schwarzwald
(ue) = Unterelsass
(wa) = Wallis
(zd) = züritüütsch
(ld) = Lozärn-Dütsch
(xx-t) = teilwiis
(xx-s) = süd
(xx-n) = nord
[ändere] Alemannisch-Standardditsch
Dä Abschnitt bringt Biipspiil drfir, ass e alemannisch un e standardditsch Wort sich glich ahert, aber unterschiidligi Bedittig het.
| Alemannisch | Standardditsch | Bemerkige |
| bügle (bd) (= schaffe, Arbete erledige)) | bügeln (glette, d Wösch mit Dampf eebe mache) | |
| hebe (a) (= ebis griffe un bhalte) | heben (ebis lupfe) | |
| lambe (oa) (= lummilig ra hänke) | Lampen (= Gegestand zum lejchte) | |
| laufe (a) (= sich langsam z'Fuess bewege)) | laufen (sich schnäll bewege, renne, springe) | lueg au springe |
| lehre (a) (= zum Biispiil: s lehrt eber fir sich dr Beruef Beck oder dr lehrt Vokable) |
lehren (eberem anderem ebis biibringe) | aber: lehre (eberem ebis biibringe) = lehren (eberem ebis biibringe) |
| Muul (a) (= Öffnig zem Ässe bim Mensch, nid abwärtend)) | Maul (Öffnig zem Ässe bim Tier oder abwärtend bimene Mensch ) | |
| sage (bsd) (= Holz abenand schniide)) | sagen (rede, schwätze) | lueg au säge - sage ka uff bsd aber au rede, schwätze bedytte |
| säge (zd) (= rede, schwätze)) | sägen (Holz abenand schniide) | lueg au sage |
| schleipfe (oa) (ebis mit Gwalt ofer mit Miähji uf em Bode entlang ziäge) | schleifen (schliffe; ebis zerstere (z.B. Stadtmüüre) | schleipfe (oa) = schleppen (sd) |
| schwätze (oa) (mit eberem rede, ohni negativi Bedittig) | schwatzen (ohni große Sinn drhär rede) | |
| schweife (oa) (mit em Bäse süfer mache) | schweifen (abschweifen: vum Thema abkumme; umherschweifen: rum jaisele) |
|
| springe (bd) (= sich schnäll z'Fuess bewege, renne) | springen (en Satz mache, gumpe) | lueg au laufe |
| wische (ml) (mit em Bäse süfer mache) | wischen (mit em Butzlumpe nass süfer mache) | |
| zwo (a) (= feminini Form vu zwei, z.B. zwo Fraüe) | zwo (= Wortform ohni Genus; diä wird vilmol brücht, zum Verwägslige mit drei üsschliäße |
[ändere] Alemannisch-Alemannisch
| Alemannisch do | Alemannisch dert | Bemerkige |
| Anke (zd, bd) (= Butter) | Anke (sw) (= gereinigter Butter, Butterfett) | |
| Goofe (ml?) (= Kinder) | Goofe (Kinder, wu nit horche (sch) | |
| sage | säge | bedyttet in verschidne schwizerdütsche Dialäkt entwäder schwätze, rede oder Holz abenand schniide, je noch Dialäkt s'eint oder ander, zem Teil au innerhalb vom Dialäkt uneinheitlig |
[ändere] Literatur
- Wolfgang Müller: Leicht verwechselbare Wörter. Duden-Taschenbücher, Band 17, 1973.
- Ryszard Lipczuk, Pawel Mecner, Werner Westphal: Lexikon der modernen Linguistik. Ausgewählte Begriffe zur Kommunikation und Kognitionswissenschaft. Stettin (Szczecin) 2000, Seite 77f.: Falsche Freunde des Übersetzers; Seite 166: Paronyme (Falsche Brüder).
- Salifou Traore: Interlinguale Interferenzerscheinungen: In ausgewählten Bereichen von Morphosyntax und Text bei afrikanischen frankophonen Germanistikstudierenden - mit didaktischen Schlussfolgerungen. Frankfurt a. M. 2000.
- Janos Juhasz: Probleme der Interferenz. Budapest 1970.
- Richard Humphrey: False Friends, Falser Friends, Falsest Friends. Klett Uni-Wissen 2003.
- Wolfgang Müller: Wörterbücher der Zukunft - oder: Terrae incognitae. in: Lexicographica Series Maior 84, Hg. von Herbert Ernst Wiegand 1998; Seite 222-232: Das Wörterbuch der falschen Brüder.
[ändere] Netzgleicher (Weblinks)
- http://www.lipczuk.buncic.de/ Bibliographie zue de falsche Fründe
- http://www.uebersetzungsfallen.de Übersetzungsfallen in der englischen Sprache
- http://www.englisch-hilfen.de/words/false_friends.htm Falschi Fründ Dütsch – Änglisch
- http://uitmuntend.de/extras/valse_vrienden.html Falschi Fründ Dütsch – Niederländisch
- http://www.twenzel.de
- Übelsetzt - Sammelt und kommentiert Fehler in deutschen Übersetzungen von Filmen, Fernsehsendungen, Webseiten, etc.
Dr Artikel basiert uf ´ra freie Ibersetzung vum Artikel „Falsche Freunde“ us dr dytsche Wikipedia. E Lischte mit de dörtige Autore kasch dörte aluege
