Gothic-Kultur

Us der alemannische Wikipedia, der freie Dialäkt-Enzyklopedy

D Gothic-Kultur isch e vielsitigi Subkultur, weli ab Afang vo de 1980er Joor schtuefewiis us em Punk und em New-Wave-Umfäld füregange isch und sich us mehrerne Schplitterkulture zämesetzt. Sie het in de 1980er und 1990er Joor im Rahme vo dr Dark-Wave-Bewegig exischtiert und het bis zur Joortuusigwändi dr Knotepunkt vo dr sognannte Schwarze Szene bildet.

S Basiselemänt, wo d Entwicklig vo dr Gothic-Bewegig ermöglicht het, isch s Zämewirke vo Musik (Gothic Rock), d Faszination an absiitige Theme wie Tod und Vergänglichkeit (dodrus erklärt sich s Interässi an de Gothic Novels und an dr Schwarze Romantik), weli im Zug vo dr Neuen Deutschen Todeskunst ihre Höhepunkt gfunde het, sowie ere dodrus resultierende Sälbschtinszenierig.

D Ahänger vo dr Gothic-Kultur wärde länderübergriffend als Goths bezeichnet, au wenn die Bezeichnig innerhalb vo dr Szene ehnder sälte Awändig findet, bi vielne Szene-Aghörige sogar uf Ablähnig stosst und hüfig hinterfrogt wird. Gründ für das finde sich bischpielswiis im Versuech, die eigeni Individualität z wahre.

Im letschte Joorzähnt het d Bezeichnig Gothic e Zwäckentfremdig als Vermarktigsetikett dur d Musikinduschtrie erfahre, aber au dur die kommerzielle Medie, durch das sich e witere Grund für d Ablähnig als Szene-Name entwicklet het. So sin immer hüüfiger Bands us szenefremde Musikkulture, wie Metal, Mittelalterrock, Neue Deutsche Härte oder Visual Kei als Gothic vermarktet worde, während däm s Zentrum vo dr Gothic-Bewegig schrittwiis ins Absiits grote isch.

Inhaltsverzeichnis 1 Namenshärkunft 2 D Szene 2.1 Schplitterkulture 2.2 Erschiinigsbilder

[ändere] Namenshärkunft

Goth(ic) (eigtl. "gotisch", do im Sinn vo "düschter, schaurig") het Ändi 1970er für e Schtil vo dr Rockmusik us em Post-Punk-Umfäld Verwändig gfunde und isch ab 1982/1983 uf d Ahänger vo dr doderzue entschtehende Jugendkultur übertrage worde. Dr Szene-Name goht doderbi nit ufs Volk vo de Gote, ufs Zitalter vo dr Gotik oder uf d Gothic Novels zruck, sondern isch grundsätzlich an e in Ängland entschtandene Musikschtil aglehnt, wele ufgrund vo sim dunkle und dumpfä Klang und sine verwändete Theme als "schuurig" empfunde worde isch. Folglich entschtog zwüsche dr Gothic-Szene und dr Gotik-Epoche bzw. em Mittelalter kei diräkte Bezug, wie är in de noochfolgende Joorzähnt hauptsächlich vo Usseschtehende fählinterpretiert worde isch.

So het 1982 unter anderem dr Ian Asbury, dr Sänger vo dr Band The Southern Death Cult, d Fans vo dr Gruppe Sex Gang Children als "Goths" bezeichnet. Nur kurzi Ziit spöter het dr Ian Astbury us The Southern Death Cult d Band Death Cult formiert und het 1983 in Berlin e Uftritt kha. Dr Musikjournalischt Tom Vague, wele au bim Konzärt gsi isch, het in eme Bricht in dr Oktober-Usgab vom Musikmagazin ZigZag vo 1983 über s Berliner Publikum "Hordes of Goths. It could be London..." ("Horde vo Goths. Es könnt London sii...") gschriebe und het dodermit probiert, d Ähnlichkeite zwüsche em Publikum vo beidne Schtädt z verdüütliche. Zwüsche 1983 und 1984 het sich die Bezeichnig für e neui Jugendkultur allmählich etabliert und isch in dr Zitschrift The Face in eme Special übere Londoner Batcave-Club erneut erwähnt worde.

Innerhalb vom dütsche Sproochruum het me gliichzitig Bezeichnige wie "Gruftis" oder szeneübergriffend "Schwarzi" oder "Waver" benutzt, wil sich Gothic in de 1980er Joor weder als Genrebegriff no als Bezeichnig für e Subkultur über britischi Gränze hinwäg witläufig het könne duresetze. In Kanada und de USA isch das erscht öppe um 1988 passiert, im mitteleuropäische Ruum Afangs 1990er, wobohl Gothic als Sälbschtbezeichnig scho sit 1988 in Oscht-Berlin belegt isch.

Grufti, aglähnt an s Wort für Grabgwölb, het in Teile vo Düütschland langi Ziit als negativ besetzti Bezeichnig golte, weli schpöter vo de Szeneaghörige aber zuenähmend als saloppi Sälbschbezeichnig verwändet worde isch. Gegewärtig wird d Bezeichnig Grufti für d Gothic-Generatione vo de 1980er und früeher 1990er benutzt, weli - bezüglich ufd Musik, s Outfit und s Styling - no schtark in dr Post-Punk- und New-Wave-Bewegig verankeret sin. Usseschtehendi verwände die Bezeichnig no hüt für die gsamti Gothic-Kultur, inzwüsche aber witgehend ohni negativi Konnotatione.

Färner sin in dr DDR und in Teil vo Berlin Bezeichnige wie Ghouls, Outs oder Darks gebrüchlich gsi, letschteri Bezeichnig findet sich au in Länder wie Italie oder Mexiko wieder. In einige Gebiet vo Düütschland, wie Nordrhein-Westfalen, isch zuedäm d Sälbschttitulierig Krähen glöifig, was anähernd dr Bezeichnig les corbeaux ("d Rabe") entschpricht, weli französische Gothic- und Wave-Ahänger in de 1980er für sich gnutzt hän und weli sich uf däne ihr Erschiinigsbild bezoge het.

Goth, in dr Merzahl Goths gnennt, het sich bis hüt in vielne Teil vo dr Wält etabliert. In Düütschland isch au die entschprächendi Übersetzig Goten und au die grammatikalisch inkorräkti Bezeichnig Gothics verbreitet.

[ändere] D Szene

Übere Umfang vo dr Gothic-Bewegig isch bishär wenig bekannt. E Märtschtudie us de schpote 1990er Joore goht in Düütschland vo öppe 60.000 Ahänger us, au wenn die Zahl als unrealistisch gültet, wil si näbe dr tatsächliche Gothic-Kultur au Teil vo dr gsamte Schwarze Szene und zahlrichi Sympathisante mit ibezieht. Au e Wachstum vo dr Gothic-Szene innerhalb vo de letschte 10 Joor, weles um d Joortuusigwändi mehrmols prognoschtiziert worde isch, wird doderbi szene-intern schtark azwiiflet. Schtattdesse wird sit Ändi 1990er in vielne Regione e sukzessivi Zruckbildig agnoh.

D Gothic-Szene gültet als ästhetisch orientierti Subkultur, vo däre d Mitglieder als friedlich, aber au als unnahbar, elitär oder wirklichkeitsfremd wohrgnoh wärde. Sie isch e retroschpektivi Kultur mit ere ernorme Bandbreiti an modische Forme. D Gschlächterverteilig innerhlab vo dr Szene isch sehr usgwoge, dr Fraueateil liegt somit dütlich über däm vo vielne andere Subkulture.

D Durchschnittsbevölkerig wird vo Teil vo dr Gothic-Kultur negativ kritisiert, si wird als konservativ, konsumorientiert, intolerant, egoistisch und vom Gsetz vo dr soziale Bewährtheit gleitet dargschtellt. Us dr Ablähnig vo däne Eigeschafte resultiert e demonschtrativi Dischtanzierig zur Gsellschaft. Us em Versuech vo dr Bewältigung vo de Zwäng, dr emotionale Kälti und dr Vereinheitlichig vom Individuum in dr hütige Gsellschaft, trätte wiederum d Ideal vom Individualismus und die zelebrierti Melancholie füre.

E charakteristischs Läbensgfühl, weles alli Aghörige vo dr Gothic-Szene mitenand teile, gits nit. So wärde zwar philosopschisi, religiösi und politischi Froge unter de Goths durchuus thematisiert, allerdings nit einheitlich beantwortet.

Einigi Goths bevorzuge Stilli, Einsamkeit und Besinnig und Ort, wo hüfig e Atmosphäre vo Tod, Leid, Friede und Vergänglichkeit usschtrahle. Dennoch isch d Gothic-Szene kei Truurkultur. Es git etlichi Goths, wo sich primär an dunkle, mystische oder okkulte Sache erfreue und probiere, die Siite vo ihrer Persönlichkeit uszläbe.

D Akzeptanz vom Tod als natürliche Beschtandteil vom Läbe wir hüfig nach usse treit. Vereinzelt lot sich aber e Hang zur Exischtänzphilosophie erkenne, weli näbe em Reinkarnationsgedanke au d Erkenntnis über d Vergänlichkeit und die domit assoziierti Sinnlosigkeit vom Läbe impliziert, us welere sich wiederum negativi Gmüetszueschtänd wie Gliichgültigkeit, Resignation oder Todessehnsucht entwickle könne.

E gwüssi Sehnsucht nach em Mittelalter und sine Mythe und Sage isch bi einige Szenemitglieder azträffe. Doderbi handlest s sich jedoch hüfig um e romantisierts Bild vom Mittelalter, weles etlichi Goths vor Auge hän und weles e Flucht vor dr reale Wält ermögliche söll. Doch au anderi Epoche, wie die Elisabethanischi und Viktorianischi Epoche, d Gründerzit sowie s Fin de siècle, zeihn s Interässe vo dr Gothic-Kultur uf sich.

D Beweggründ, sich dr Gothic-Bewegig azschliesse, sin unterschiedlicher Natur und unterscheide sich nur unwäsentlich vo däne vo andere Subkulture. Näbe de musikalische Vorliebe zelle doderzu schpeziell im Jugendalter d Identitätssuechi, alternativi Läbensentwürf, Protescht und Abgränzig gegenüber em Elterehuus und dr Gsellschaft, aber au e depressivs Läbensgfühl, weles hüfig durch Sinnleeri und Unverschtandesii füregruefe wird. Doderbi zieht d Entscheidig, sich dr Gothic-Szene azschliesse, oft vieli privati, schuelischi und berueflichi Konflikt noch sich. In Einzelfäll ka die Entscheidig d Bindig and Eltere oder an anderi Familiemitglierder komplett zerschtöre, z. B. wenn s Familieläber scho vorhär schtark belaschtet und unharmonisch gsi isch.

Vieli Goths pfläge e schtarks Traditionsbewusstsii und bhalte ihre Läbensschtil oder di dermit verbundene Vorliebene (u.a. für Musik und Kleidigsschtil) wit bis ins Erwachsenealter bi. Im Unterschied zu klassische Jugendkulture entschtoht so e altersübergriffende Dialog.

[ändere] Schplitterkulture

Ufgrund vo dr Grössi vo dr Szene sowie de persönliche Vorliebe hiisichtlich Musik, Kunscht und Kleidig, weli oft au als Usdrucksmittel diene, hän sich im Lauf vo dr Ziit einigi erkennbari Schplitterkulture ("Interässegmeinschafte") bildet, weli sit etliche Joor koexischtiere. Insbesundere d Hardliner vo de jewilige Schplitterkulture könne sich doderbi durchus ablähnend gegeüberschtoh. So ka e Aghörige vo dr Batcave-Szene e völlig anderi Geischteshaltig verträtte als bischpielswiis e Ändziitromantiker. Zwei Charakterischtika, weli aber alli Schplittergruppe mitenand vereine, sind d Verwurzelige in dr Post-Punk- und Wave-Bewegig und dr Bezug zu de Gothic Novels bzw. zur Schwarze Romantik.

Batcaver

au Gothpunk gnennt, bezeichnet die Aghörige vo dr früehe Gothic-Szene, wie si hautpsächlich in Ängland vorzfinde gsi isch. Si sin die erschte gsi, wo öppe 1983 als Gohts bezeichnet worde sin. Dr Name "Batcaver", wele uf e früehe Szene-Club in London zruckgoht, isch erscht in schpöterer Ziit ufkoh und dient vor allem zur Abgränzig gegnüber de nochkommende Schplitterkulture innerhalb vo dr Gothic-Szene. In Bezug uf Outfit, Frisur und Ideologie no schtark vom Punk prägt, hän d Batcaver mit dr Joortuusigwändi e Revival mit aktiver Vernetzig zur amerikanische Death-Rock-Szene erläbt. Mit dr Batcave-Kultur wird weniger d Affinität zum Wältschmärz und zur Besinnlichkeit als vielmerh dr Schpass am Schuurig/Schöne in Verbindig brocht.

Bevorzugti Musik: Bauhaus, Siouxsie & The Banshees, The Damned, Specimen, Virgin Prunes, UK Decay

Grufti

au Gruftie gnennt, het die Aghörige vonere Jugendkultur in Mitteleuropa bezeichnet, weli als Parallelbewegig zur Batcave-Kultur in Änland entschtande isch und bezüglich ihrer morbide Eigeheite in de 1980er und früehe 1990er Joor für Schlagziile gsorgt het. Konträr zur Batcave-Szene sin d Gruftis, sowohl musikbezoge als au ouftitmässig, dütlich schtörker im Wave-Umfäld verwurzlet gsi und hän e usprägte Hang zum Wältschmärz und zur Realitätsflucht erkenne loh. Inzwüsche gültet d Grufti-Bewegig, vo däre sich d Ahänger primär inerhalb vom adoleszente Schtadium bewegt hän, als erlosche.

Bervorzugti Musik: The Cure, Joy Divison, Bauhaus, Christian Death, Anne Clark, früehi The Sisters Of Mercy

Ändziitromantiker

D Ändziitromantiker bilde e Schplitterkultur, weli erschtmols Afangs de 1990er Erwähnig findet. Si het sich schtuefewiis us dr Grufti-Bewegig entwicklet, vo welere e Teil vom Erschiinigsbild, wie usrasierti und toupierti Hoor, Silberschmuck etc. zwar bibhalte worde sin - im Vergliich zum Outfit vo de Gruftis sin Kleidig und Schminkschtil aber sorgfältig, dütlich ufwändiger und mit Liebi zum Detail gwählt. Si sin dr Schpiegel vo ere apokalyptische, todeskonzerntrierte Wältsicht. Markanti merkmool sin wiss gschminkti, ofmols mit filigran usgarbeitete Ornamänt verseheni Gsichtspartie, Kleidigsschtück us Samt, Brokat, Schpitze, Chiffon und Siide sowie Accessoires wie Roosekränz, Kruzifix, Brosche, Diadem, Samthalsbänder, riich verzierti Faltfächer und Schpitzehändsche. De Ändzitromantiker isch e Vorliebi für Philosophie, Literatur (bsunders Poesie), Molerei, Friedhöf und alti, verfalleni Baute wäsentlich mehr eige als es in Teil vo dr Grufti-Szene vo de 1980er Joor gsi isch.

Bevorzugti Musik: Goethes Erben, Relatives Menschsein, Sopor Aeternus, Lacrimosa, früehi Sanguis Et Cinis

Schwarzromantiker

au Dark Romantic oder Romantic Goth gnennt, bezeichnet dr Ahänger von ere Schplitterkultur, weli sich öppe parallel bzw. unmittelbar nach de Ändziitromantiker etabliert het und sich im Lauf vo de letschte Joor zu eine vo de vorherrschende Schplitterkulture innerhalb vo dr Gothic-Kultur entwicklet het. Konträr zu de Ändziitromantiker sin punk- und wave-typischi Merkmool, wie usrasierti Hoor, toupierti Hoor, Piercings odr tote-ähnlich gschminkti Gsichtspartie, kuum bis gar nit vorhande. D Gränze zwüsche bedie Schplitterkulture sin - hisichtich de Interässe und dr Kleidig - aber fliessend. D Schwarzromantiker sin e landübergriffends Phänomen und - mit unterschiedliche Titulierige wie Romantic Goth - au in Grossbritannie, Frankriich, Italie oder Schpanie z finde.

Bevorzugti Musik: Dead Can Dance, Atraxia, Dargaard, Faith & The Muse, Love Is Colder Than Death, Qntal

Sunschtigi

In dr zweite Hälfti vo de 1980er isch mit dr wachsende Poplarität vo Bands wie The Sisters of Mercy, The Misson oder Fields of the Nephilim e Fangmeinschaft entschtande, weli sich vo de üssere Merkmool vo allne vorhär gnennte Schplitterkulture schtark unterschiede het: Schtatt sitlich usrasierte, toupierte Hoor und eme typische Schmin- und Kleidigsschtil im Punk- und Wave-Look dominiere do langi Hoor und Kleidigselemänt vo dr Hard-Rock-Szene. Das Outfit gipfelet bi einige Fans in ere komplette Übernahm vom Kleidigsschtil vo de Fields of the Nephilim, weli ufgrund vo ihrem Westernlook au scherzhaft "The Bonanzas" gnennt worde sin.

Bevorzugti Musik: Fields of the Nephilim, The Mission, The Sisters of Mercy, New Model Army

[ändere] Erschiinigsbilder

E zentrals Merkmool vo dr Gothic-Kultur isch s Styling, weles vo vielne Ahänger als Usdrucks- und Abgränzigsform iigsetzt wird. Gothc, wo ihri Läbensiischtellig durch ihr Erschiinigsbild uszdrucke probiere, bevorzuge allgmein d "Farb" Schwarz. Sie wird aber au als eifachs, modischs Elemänt verwändet. Aber au Blau, Violet, Wiss oder Bordeaux-Rot sin vorzfindendi Hoor- bzw. Kleiderfarbe. In Alähnig and Wurzle im Punk wärde d Schtrumpfhoose oder Netzhemmli absichtlich mit Riss oder Löcher verseh. Ebeso erinnere etlichi Frisure and Punk- und Wave-Kultur vo de 1980er Joor.

D Bekleidigsstrategie vo dr früehe Gothic-Szene het sich aber nit wie bi de Punks als Äschtetisierig vom Hässliche oder bi de New Romantics als Revival vom Glamouröse vo vergangene Ziite zeigt, sondern als Inszenierig vom Horror. Insbsundere bi de Gruftis isch es langi Ziit modisch gsi, d Vergänlichkeit vom menschliche Dosii gezielt durch e toteähnlichs Ufträtte zhttp://als.wikipedia.org/w/index.php?title=Gothic-Kultur&action=submit Bearbeite vo «Gothic-Kultur» - Vorschau - Alemannische Wikipedia versinnbildliche. Dr glamourösi Aschpäkt, wie ihn die hütigi Gothic-Generation kennt, het doderbi zerscht nur e näbesächlichi Rolle gschpielt.

Vieli Goths gränze sich allerdings au bewusst vom Erschiinigsbild vo dr Punk-Kultur ab. Elemänt us Kleidigsschtil vo dr Renaissance sin ebeso präsänt wie e ans Viktorianischs Ziitalter oder an dr Jugendschtil aglähnts Outfit. Doderbi sin die jewiilige Kleidigsschtil aber nur sälte in ere reine Form azträffe. In dr Regle handltes sich um einzelni Kleidigskomponänte us unterschiedliche Epoche, wo eklektisch mitenander kombiniert wärde. Glägentlich wärde näbe de dodermit verbundene Kleiderufwänd au hochi Köschte in Kauf gno, zum sich bischpielswiis e schtilächts Rokoko-Koschtüm schnidere z loh. E paar vo däne Kleidigsforme wärde als Relikt vo dr New-Romantic-Szene agluegt, anderersiits gälte d Darschteller vo romantische Vampirfilm als modischi Vorbilder.

Markanti Merkmool könne sii:

- Blass gschminkti Gsichtsfarb (Liicheblässi bzw. Viktorianischi Ästhetik), füreghobe durch dunkels Make-up und Bemoolige (Aktzentuierig vo de Backeknoche sowie kunschtvoll usgarbeiteti Ornamänt um Auge und Muul), schwarz lackierti Fingernägel.

- Ungwöhnlichi Frisure wie "Tällermiine" (kreisförmig usrasierti Hoor, meischtens in Form vo "Rabenäschter" oder "Turmfrisure" gstylt), "Truurwiidefrisure" (langi, uftoupierti Hoor), Irokeseschnitt (usrasierte Schtreife vom vordere Hoorasatz bis in Nacke), Undercut (zuesätzlich Hinterkopf), teilweiis sehr hoch toupiert, meischtens schwarz, sältener blau, rot und violet gfärbt oder blondiert. Sit de 1990er sin bi Frau vermehrt Frisure us vergangene Epoche azträffe, vereinzelt au überschulterlangi Hoor bi Männer.