Haus
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Huus« |
Als Huus bezeichnet mer umgangssprochlich e Gebäudi. Yberwiegend wird dr Begriff im Zämmenhang mit Wohn-hüser benutzt. E Huus het e gwisse Komfort-Standard, bi ere Hütte oder ere Baracke, wo auch im Wohne diene, spricht mer nit vu eme Huus.
[ändere] Alemannischi Bezeichnige
D'Isoglosse Huus/Haus dient in dr dytsche Sprochwisseschaft zur Abgrenzig vum Schwäbische zum ybrige Alemannisch.
D'Ussproch vum Wort isch im alemannische Sprochruum sehr verschiide:
- Huus uf Züritüütsch und de meischti hochalemannischi Dialäkt
- Huis uf Obwaldnertüütsch
- Hüs uf Wallissertüütsch
- Hos im Appezöllerdialekt
- Hu(ü)s uf Baseldytsch un im Oberrhyalemannische
Die hüüfig verwändeti Verchlinerigsform luutet Hüüsli oder Häusle (schwäbisch)
"Hüüsli" wird au als Synonym für Toilette brucht. Degege isch's Schwäbisch "Häusle" s'Synonym für s'eige Huus ("Schaffe, schaffe, Häusle baue").
