Jugendwahn

Us der alemannische Wikipedia, der freie Dialäkt-Enzyklopedy

Dr Jugendwahn isch gritisch gmeinti Bezeichnung fir e Iistellung vu Erwagsene, wu jung sii un bliibe wänn. E Gsellschaft im Jugendwahn iberheht d Kinder un d Jugend im Verglich zu draditionelle Gsellschafte.

Inhaltsverzeichnis 1 Gschicht un Ursache 2 Merkmol vum Jugendwahn bi Erwagsene 3 Folge vum Jugendwahn 4 Lueg aü: 5 Literatür

[ändere] Gschicht un Ursache

In dr Vergangeheit isch e bstimmte Läbensentwurf typisch gsii: Jungi Mänsche hän friäh ghirate un hän friäh Kinder bikumme. Des isch s gsellschaftlig Ideal gsii - aber aü wär des Ideal nit guet gfunde het, isch um Kinder nit rum kumme, wänn er nit het welle enthaltsam läbe. Sicheri Verhiätungsmittel hets kenni gä. D Jugend het mit dr Hirat un em erschte Kind fir immer gändet - also mit 20 plus oder minus. D Kinder hän bi dr große Mehrheit miäße vu ase glei uf mitschaffe, ass d Familiä ka iberläbe, wiäs in Dritti-Wält-Länder hit noch isch. E jugendligs Benämme vu Erwagsene un e Verhätschelung vu Kinder un Jugendlige isch üs materiällem Mangel rüs schwär meglig gsii. E jugendligs Benämme isch aber aü nit agsträbt wore - s hegscht Asähne het Alter un Weisheit gha. Des het jedes welle erreiche, aber viil wenniger wiä hit sin tatsächlig alt wore.

Speteschtens sitter dr Anti-Baby-Pille isch fir jungi Mänsche e frejs Üsläbe vu dr Sexualität ohni Kinderfolge meglig. Wu d Pille ufkumme gsii isch, isch aü grad d 68er-Bewegung in Gang kumme - diä het freiji Sexualität propagiärt un het - wänn scho Kinder - fir e antiautoritäri Erziähung plediärt. Kirchligi un anderi Lehre, wu s draditionäll Familiäläbe gstitzt hän, sin as spiißig verworfe wore.

D Geburterat isch siterhär dramatisch gsunke, d Läbenserwartung dur dr medizinisch Fortschritt alliwiil meh gstiige. S Volk isch iberalteret - d Alterspyramide het sich rumdrillt, s git ball meh Räntner wiä Lit im Arbetsläbe - des heißt mer demografischi Kataschtrof. S herrscht Mangel an Kinder un Jugendlige - s Volk dät nomeh zämmeschrumpfe, wänn kenni Zuewanderer käme.

Diä Entwicklung het zu nere Umkehr vu dr Wertigkeit vu dr Generatione gfiährt: s Maß vu allene Ding isch bi viile Mänsche jetz nimmi s Alter, sondern d Jugend. D technisch Revolution - diä Junge kumme mit Computer un andere Technike schnäller glar - het des no verstärkt.

[ändere] Merkmol vum Jugendwahn bi Erwagsene

• E Deil Erwagsini ziäge sich a wiä Jugendligi, here d glich Müssik, spiile diä gliche Spiiler. In dr USA isch s Duchschnittsalter vu dr Video-Spiil-Fän 1990 noch 19 gsii, hit (2005) ischs 29. Dr Drickfilm-Sänder Cartoon Network het unter 18- bis 49-jährige meh Zuelueger wiä CNN.

• E Deil Erwagsini wänn kerperlig üssähne wiä Jungi un nämme drfir Bräschte uf sich - vum Sport bis zu dr Schenheitsoperation. Bsunders Fraüe nämme Hormon ii, zum e Alterung in dr Wägseljohr verhindere un setze mit däm langfrischtig ihre Gsundheit ufs Spiil.

• E Deil Erwagsini wänn sich megligscht lang jugendlig üsläbe un schiäbe s Kindergriäge nüs, bis es biologisch nimmi goht. Bi däne, wu no hirate, isch s Alter im Durchschnitt stark hinteri verschobe - bi Fraüe uf 34 Johr, bi Männer uf 37.

• E Deil Erwagsini ibernämme viil üs dr Jugendsproch.

• E Deil Erwagsini len sich vu ihrene Kinder un andere mit em bloße Vornamme aschwätze - anschtatt mit Vatter, Mueter, Dande, Ungel usw. - un gehn drmit uf glichi Äugehechi wiä d Kinder abe.

• D Großlene (Großmiätere) leen sich nimmi mit Großili aschwätze, sondern mit Oma, wels si des ebis Jingers dunkt.

• S Stärbe, wu zum Alter ghert, wird vu Alte im Jugendwahn verdrängt.

Nit alli Kinder un Jugendlige sin ab allene däne Verhaltenswiise begeischteret: Noch dr Zitschrift "Eltern for family" (9/2005) findes 70% vu dr 9 bis 19-Jährige nit guet, wänn d Eltere "coole Klamotten" ahän un d glich Müssik horche wiä diä Junge. 51% finde des sogar "peinlich, lächerlich und blöd".

[ändere] Folge vum Jugendwahn

• Alti Mänsche wäre fir wenniger wärt agsähne

• In dr Mediä, zum Biispiil in Babbelgaffsändunge (Talkshows), wäre am liäbschte Jungi un Gnackigi iiglade - mer erhofft sich hecheri Iischaltquote. Uf d Bedirfnis vu dr eltere Lit wird wennig iigange - s git zum Biispiil fascht keini Radio-Sänder mit ditscher Müssik. Dr Jugendwahn wird vu dr Mediä stark gferderet.

• Kleini Bubbili derfe d Eltere tyrannisiäre. Jirini Prekop berichtet in "Der kleine Tyrann" vu Eltere samt Diänschtmaidli, wu e Schau mit Rägeschirm un Akrobatik vor em Kind miän mache, wells es eso will zum Ässe. D Eltere horche, wel si meine, si derfe nit streng sii oder s Kind niä hiile loo.

• D Erziähung vu dr Kinder un Jugendlige isch an viile Ort dur s "laissez-faire" (mache lo) kännzeichnet. Si wäre in däm Fall nit zum Iihalte vu gsellschaftlige Regle zoge. Hefligkeit, Hilfsbereitschaft, Stillsitze im Unterricht, Zuehorche - grundlegendi Fähigkeite wäre nit biibrocht un verhindere e guets Virschikumme in dr Schuel un im Beruef. Betroffe sin in dr Schuel drno nit numme d Kinder, wu verzoge sin, sondern aü diä andere, wu gstert wäre.

• Mänki Kinder un Jugendligi kummidiäre d Eltere. Ab eme bstimmte Alter hän mänki Eltere d Kinder nimmi unter Kontroll. Jetz miän si im Kind oder Jugendlige jede Wunsch im Bezug uf Daschegäld, d Ührzit vum Heimkumme usw. erfille, well dr Nochwugs suscht rabiat wird oder eifach furt blibt. Anderi Jungi sähne d Freiheite vu däne un setze ihrini Eltere, wu stränger sin, unter Druck.

• Dur des, dass diä Junge verhältnismäßig viil Gäld im Sack hän, sin si s Ziil vu Werbung un Industrii, d Broduktion vu Jugendbedarfsartikel het mit diä hegschte Zuewagsrate. Dä Bedarf wird kinschtlig gweckt un d Artikel derfe niä "alt" sii, des heißt, alli baar Monet oder Wuche mueß ebis anders kaüft wäre, wämmer zu dr Avantgarde vu dr Jugend will ghere.

• Dur des, dass Kinder un Jugendligi viilmol Einzelkinder sin, verhätschlet un iberheht wäre, kenne si kei Verständnis drfir entwickle, ass si unvollkumme sin un drzue lehre miän. Wel si vu Erwagsene glich behandlet oder iberheht wäre, meine si, si sin tatsächlig glich oder schloier.

• Kinder un Jugendligi, wu Oriäntiärung oder Autorität suche, finde si bi Erwagsene im Jugendwahn nit.

[ändere] Lueg aü:

Jugendsproch

[ändere] Literatür

Silvia Faller: Mutter bauchnabelfrei - das nervt. Badischi Zittig, 28. 11. 2005