Südwestdeutscher Sprachatlas

Us der alemannische Wikipedia, der freie Dialäkt-Enzyklopedy

Dr Südweschtditsch Sprochatlas (SSA) sammlet un vereffentligt Sprochmatrial im greschte Deil vum alemannische Sprochrüüm vu Bade-Wirttebärg. S fählt leider dr nerdlig Deil vum Schwobeland - dr Raüm um Stuagert, Esslinge, Geppinge, Schwäbisch Gmünd un Ale. Dä Deil soll emol im blante Sprachatlas von Nord-Baden-Württemberg berucksichtigt wäre.

In zeh Winter zwische 1974 un 1986 sin an 579 Ufnahmort Lit ("Gwährspersone") noch eme Frogekatalog üsgfrogt wore. Diä Gwährspersone hän miäße iber 60 Johr alt sii un üs Schichte (bsunders Büüre) kumme, wu no guet Dialäkt gschwätzt wird. S Frogebuech vum SSA enthaltet ca. 2200 Froge; mer het inhaltlig sich sinnvollerwiis am Frogebuech vu Sprochatlas vu dr ditsche Schwiz oriäntiärt. D Lit, wu d Befrogung drheim bi dr Gwährslit gmacht hän (Expolratore), sin sprochwisseschaftlig gschuelt gsii un hän aü gleinschti Finheite in ere wisseschaftlige Lütschrift ufgschriibe. Dodermit sin d Schangse groß, ass s Matrial viil besser isch, wiä bim e andere Typ vu Atlante, wiä nem Ditsche Sprochatlas, wu numme Frogeboge verschickt wore un meischtens dur Laie üsgfillt wore sin. E Fählerquälle bi dr wisseschaftlige Erhebung dur Exploratore vor Ort ka aber sii, wänn d Gwährspersone sich vum eventuelle Hochditsch vum Explorator verleite len, esälber z hochditschele.
S SSA-Matrial isch vu Afang a EDV-mäßig verarbeitet wore.

S git drei Arte vu Karte vum SSA:

• lütgeografischi - do isch zum Biispiil verzeichnet, wiä s mittelzitalemannisch i in 'Weib', 'schreiben', 'bleiben' sich im hittige Dialäkt darstellt
• morphologischi - do gohts um Deklination, Konjugation, Wortbildung u. a.
• wortgeografischi - do gohts zum Biispiil drum, wu mer Härdepel, Grumbire, Bodebire usw. sait.

Dr Südweschditsch Sprochatlas wird vum Hugo Steger un vum Volker Schupp siter 1989 rüsgä. D Arbetsstell vum SSA isch an dr Uni z Friiburg i.B. Dr erschiint in einzelne Liiferunge, wu zu Bänd zämme gschrübt wäre. Diä letschte Liferunge sin erscht in dr negschte Johr z verwarte. Dr Atlas isch in wisseschaftlige Bibliotheke z finde und kaa im Internet unter de Siite vum digitale Wenker-Atlas abgruefe were.

Dur d alemannische Sprochatlante ischs migli, ohni Spekulation Üssage zum Alemannische in greßere Raim z mache.

[ändere] Literatür

• Lars Fischer: Der Südwestdeutsche Sprachatlas (SSA). In: Alemannisch dunkt üs guet, Heft I/II 2001, ISSN 0722-0324.
• Hugo Steger, Volker Schupp, Eugen Gabriel: Einleitung zum Südwestdeutschen Sprachatlas, Teil I. Elwert, Marburg 1993, ISBN 3-7708-1015-5.
• Hugo Steger, Volker Schupp, Eugen Gabriel: Einleitung zum Südwestdeutschen Sprachatlas, Teil II. Elwert, Marburg 1998, ISBN 3-7708-1101-1. Inhalt: Das Fragebuch. Aufnahmeprotokolle. Zeittafel der Aufnahmen.
• Hugo Steger, Volker Schupp, Bernhard Kelle: Kommentare zum Südwestdeutschen Sprachatlas. 1. Liefg. Elwert, Marburg 1997, ISBN 3-7708-1082-1.

[ändere] Weblinks

• Südwestdeutscher Sprachatlas
• Homepage vum digitaale Wenkeratlas, do drin isch au de SSA enthalte! Me muss unter Kartenverzeichnis i de Suechmaske als Atlas SSA iistelle.