Sacca (Venedig)
Us der alemannische Wikipedia, der freie Dialäkt-Enzyklopedy
Sacca sind in Venedig dur Uufschüttige chünschtlich entschtandeni Insle, vo dene gits hüt drü, au uuf die glich Art und Wiis gwunnene Randgebiät vo de Schtadt und e Iibuchtig vo de Lagune i de Schtadt werde so bezeichnet.
Die drü Insle heissed Sacca Fisola, Sacca San Biagio und Sacca Sessola, d'Gwünnig vo Land Sacca di San Girólamo und Sacca di San Alvise, d'Iibuchtig im Norde vo de Schtadt Sacca della Misericordia. Am Aafang vom 20. Jahrhundärt häts noo e Sacca di San Chiara ghä, es Hafebassin mit Lagerhüser in de Nöchi vom Frachthafe.
D'Sacca Sessola liit im Süde vo de Schtadt Venedig i de Lagune. D'Insle bschtaht syt em Jahr 1870 und isch dur Material vo Grabige und Kanalvertüüfige entschtande. Die erschte Gmües- und Wygärte sind schtändig vo Lagerhallene verdrängt worde. 1911 hät mer uuf de Insle es Chrankehuus für Cholerachranki baut. S'öffentlichi Schpital, wo im Jahr 1914 gründet worde isch, gits hüt immer noo.
| Koordinate: 45° 24′ 18" N, 12° 19′ 12" O |
