Schlacht von Argentoratum
Us der alemannische Wikipedia, der freie Dialäkt-Enzyklopedy
|
|||||||||||||||||
| Schlacht vu Argentoratum | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Um was ischs gonge | |||||||||||||||||
| Wänn | Herbst 357 | ||||||||||||||||
| Wu | bi Stroossburi | ||||||||||||||||
| s End vum Liäd | d Römer hän gsigt | ||||||||||||||||
|
|||||||||||||||||
| - | |||||||||||||||||
In de Schlacht vu Argentoratum oda au Schlacht vu Strossburg hän sich d Alamanne un d Römer im Herbst 357 in de Nähi vum hitige Strossburg d Köpf iigschlage.
Inhaltsverzeichnis |
[ändere] Vorgschicht
De römisch Kaiser Constantinus II. het sina Neffe de Julian Apostata zome mit dem römische Heermeischter Barbatio noch Rauracum (hit Kaiseraugst) gschickt, um d Alamanne endli zue bzwinge. Wäge dem Läten-Ufstond und durchs Verschulde vum Barbatio ischs de Alamannne unterm Gaukini Chnodomar glungi, s stärkeri romische Heer zue besige un in d Flucht zschlage.
[ändere] Vorgeplänkl
D Alamannekinig Hortar, Suomar, Ur, Ursicin, Vestralp, zehn Unterkinig un vili Adligi unter de Fyhrung vum Chnodomar un sinem Näffe em Agenarich (Serapio) hän ihri Heere gsommelt un sin gege de Julian ufzoge, um iri Onsprüch uf d linksrhinische Gbiet zue bekräftige. De Julian isch näm Heer vun ugfähr 35.000 Alamanne gegenyber gstonde, wo sich us verschideni Teilstämmi zommegsetzt hän. E Yberläufer us em Barbatio sinem gschlagene Heer het de Alamanne gnau brichtet, des de Julian nu 13.000 Monn unter Waffe het. Im Bwusstsi vun irem vorherigi Sig un de Ybermacht hän d Alamanne Boti zuem Julian gschickt, wonen uffgfordert hän, s Lond zue volosse, wil si sich des mit Tapferkit un Waffe gnume hän. De Julian het die Bote gfongi gnume un het bschlosse mit sine winige Soldatä in de Kompf zue ziäge.
[ändere] De Ufmarsch
De Julian isch mit mit sinim Heer - do wore au keltischi un germanischi Auxiliariihite debi gsi - vun Zabern us in Richtung Strossburg zoge. Unterwegs hän die sich vun de Felder s Esse gnume. D Alamanne hän vorhär drey Tag un Nächt yber de Rhin gsätzt un hän d Römer bi Strossburg schu kompfberit erwartit. Bvor de Kompf ogfongi het, hen d alamanische Fuesstruppe iri Unerkinige ufgfordert, vun de Ross zue stige, damit die sich nit verkrimmle kine, wäns bränzlig wird. Beidi hen den iri Schlachtordnug ufbout, d Römer hän iri Riterei uf de rechti Fligel gställt, de Chnodomar sine Riterei hinter sich uf de linki Fligel.
[ändere] d Niderlagi
De Alamanne isch om Onfong glunge, d römisch Riterei in d Flucht zue schlag. D Fuesstruppe sin dän ufänonder troffe un d Erfolg sond so hin un her ggange. Nochem Ammianus hän ebebyrtigi Gengner kämpft, d Alamannen duarch ihri grossi Körperkraft, em hohm Wuachs, wild un styrmisch gege d gschulti, usgrischteti un erfahreni römischi Soldate. Denn het aber die gueti Erfahrung vum römische Heer d Entscheidung gbrocht. Als deni die Yvermacht vun de Römer klar wore isch, hän de Chnodomar un sine ybelebendi Alamannen vsuacht yber de Rhin z flüche. D Römer hän die donn verfolgt un si in de Rhin ine tribe.
Au de Chnodomar het probiert yber de Rhin zue cho. Den het aber e römischi Kohorte zome mit drey engi Freinde un zwihundert Begleiter gstellt. De Chnodomar het ufgäbe un de Cäsar Julian um Gnadi bittet. Den hän si den uf Rom gschlept un är soll in näm Fremdilager uf em Mons Caelius on Lethargi gstorbe gsi.
Uf de römische Syt sin 243 Soldate un 4 Militärtribun gfalli. Uf de alamannische Syt sin zwische 6.000 un 8.000 Manne ufm Fäld gfalle oder im Rhin vertrunke.
[ändere] Äpilog
Di wo yberläbt hän, syn heimzoge, hän sich aber an d Kapitulation vum Chnodomar nit gbunde gfyhlt. De Julian het in de Nähi vu Mainz e Brik yber de Rhin baue glosst und isch den uf d onda Syt zoge. Den hen die iri Guetshöf un Befeschtigunge im fremde Lond wider ufbout und de Alamanne s Vieh uns Getride gnoo. Mit de Kinig wo au no in Stossburg däby gsii sind, het de Julian Fridesverträg mache glost.
[ändere] Historisch Quelli
- Ammianus Marcellinus (bsondars XVI. 12)
- Libanios
- Zosimos
[ändere] Biacher
- Karlheinz Fuchs, Martin Kempa, Rainer Redies: Die Alamannen, Theiss Verlag Stuttgart 2001, ISBN 3806215359. Ausstellungskatalog
- Dieter Geuenich: Geschichte der Alemannen, Verlag Kohlhammer Stuttgart 2004, ISBN 3170182277/ISBN 3170120956.
- Ludwig Ohl: Vicisti! Historischer Roman, Verlag Schöningh Paderborn 1909
Dr Artikel basiert uf ´ra freie Ibersetzung vum Artikel „Schlacht von Argentoratum“ us dr dytsche Wikipedia. E Lischte mit de dörtige Autore kasch dörte aluege
