Tübinger Gogenwitze

Us der alemannische Wikipedia, der freie Dialäkt-Enzyklopedy

Die Diabengr Gogawitz sen a sehr wichdigs Dokumend von dr schwäbischa Schbroch. S got haubdsächlich om Wei, Weibr, Wirdschafda, Wengerder (Goga), saufa, schaffa, Schdudenda, schwäbische Liadla, Ärzd on Abotheka. Z´erschd ischs numme a glois Bieachle gwee wo d Witz iber dia Dibenger Wengerder drengschdanda sen. Oft send dia Witz für dia normale Leit äweng derb oder au Makaber. aber so send se halt.

[ändere] a paar Beischpiel

An reacht fauler Moh isch gschtortba, ond sei Frau hot en z´Reitlenga eiäschera lau. Als sen na dia Asche drhoim khet hot, hot se se na glei in a Oieruhr omgfüllt und ind Kuche gschtellt. "So Karle jetzet schaffescht au mol was dahinna".
Ah andre Frau hot au irna Moh im Crematoriom ghollt ond weils Wender gsei isch, isch ´d Staig grausig vereist gweäh. No hot sich dia guat Frau it andersch zom helfa gwisst als sell Asche onder d´ Räder vo ehrem Waga zom stroia. Wo se na wiadr drhoim gsei isch hend dia Verwande na dia Asche au seah wella. It bleed, hot dia Frau na oifach ausm Ofa d´ Asche gnomma ond se in dia Urna neidoa. Sait uf dr Laich dr Schwoger als er en des Deng neiguckt: "Scho wenig wa von em Moh ibrigbleibt, nau Asche ond a paar Oierschala".
An Wengerder ond sei Soh ganget en Wengert. Na beim Schaffa siaht dr Jong wia em Vadder ah Raup de Arm nufflauft, secht dr Jong: "Vadder, da isch ah Raup." dr Vadder haut dem Jong oine an Gosch na. ( Raup isch ah beleidigong fiar d´ Wengerter ).
An Gog ond an Schdudendt standet uf dr Neckerbruck. Dr Schdudent geit a Gdicht zom beschta ond sait drnoch zom Gog "Das war wie Hölderlin, als er dichtetete". Dr Gog sait noh druff "wenn i mer de Fenger in Arsch neischteck na dichtet des au".

[ändere] Uffzeichnonga

En de Achzicher Johr sen no emmerhin 4 Kassedda rauskomma, älle etwa 40 Minudda lang. Sehr viel schbäder send die erschde 3 dann au no uff CD erschiena. Dia bekanndeschde Schprecher waret: