Tuotilo
Us der alemannische Wikipedia, der freie Dialäkt-Enzyklopedy
De Tuotilo (altirisch: Tuathal) isch en irische Mönch gsii, wo im Chlooster Sanggale vo öppe 895 bis 913 gwörkt het. Er isch en Fründ vom Ratpert und em Notker Balbulus gsii.
De Tuotilo isch z Irland uf d Welt cho und ufgwachse. As Wandermönch hets en uf Sanggale verschlage, won er Schüeler vo sim Landsmaa Marcellus Moengal woren isch. Vom Tuotilo sind e paar Hymne bikannt. Birüemt wore isch er aber, wel er en gschickte Elfebaischnitzer gsii isch. Dozmol isches Bruuch gsii, wertvolli Büecher mit gschnitzte Elfebaitafle iizfasse und s bikanntischt Werch vom Tuotilo isch woll d Iifassig vom Sanggaller Evangelium Longum (Cod. Sangg. 53), wo de Gallus mit em Bär und d Himmelfaart vo de Muettergottes darstellt.
S Lebe vom Tuotilo isch vom Ekkehard IV. uufgschribe wore. Sin Namestag isch em 28. März.
