Wasserschloss der Schweiz
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Wasserschloss vo de Schwiiz« |
 |
Dialäkt: Aargauerdüütsch |
Als Wasserschloss vo de Schwiiz wird d Gegend im Drüeck vo Brugg, Turgi un Klingnau bezeichnet, in dem die drü Flüss Aare, Rüüs un Limmat kurz nachenand bim Gäbischtorfer Ortsteil Vogelsang zämmeflüsset. Scho bald druuf flüsst d Aare bi Koblenz in de Rhii.
Die drü Flüss bringed im Durchschnitt 555 m³ Wasser pro Sekunde (Aare: 315 m³/s, Rüüs: 140 m³/s, Limmat: 100 m³/s). Bi Hochwasser isch d Wassermängi bis zu drümal grösser. Dann chunnt hier s Wasser vo 40 % vo de Gesamtfläche vo de Schwiiz zsämme. Die wichtigschte Iizugsgebiet sind s Berner Oberland, s Berner Mittelland, de Aargau, d Innerschwiiz un de Glarus.
1989 het d Regierig vom Aargau die bsunderi Auelandschaft mit em Wasserschloss-Dekret gschützt. Sie isch en Aue vo nationaler Bedütig un isch als Landschaft von nationaler Bedeutung uszeichnet worde.
