Archentina

De Biquipedia

República Argentina

(En detalle) (En detalle)
Luenga Ofizial	Español
Capital  - Poblazión:  - Coordenadas:	Buenos Aires 2.776.234 (2001) 34°20'S 58°30'U
Presidén	Néstor Kirchner
Aria	2.766.890 km²
Poblazión  - Total:  - Densidá:	38.592.150(2005) 14 ab./km²
Independenzia	D'España 1816
Moneda	Peso archentino (ARS)
Zona oraria	UTC-3
Inno Nazional	Oid, Mortales
Internet TLD	.ar
Miembro de: ONU, OEA, Mercosur, CSN, OMC, ALADI, SELA

A Republica Archentina (República Argentina en castellán) ye un estato d'America d'o Sur. Muga á lo norte con Bolibia e Paraguai, á l'este con Brasil, Uruguai e l'ozián Atlantico, e á l'ueste con Chile, con o cualo comparte o sur d'a cordelera d'os Andes. A capital ye Buenos Aires e as ziudaz más importants son Cordoba, Rosario, Mendoza, Santa Fe e La Plata.

[editar] Orichen d'o suyo nombre

A parabra Archentina probiene d'o latín argentum que senifica plata. Ya dende epocas de Pedro de Mendoza ta referir-se á la rechión d'o Río d'a Plata, s'emplegaban os nombres de Gobernazión d'o Río d'a Plata e Probinzias d'o Río d'a Plata.

O río que da o suyo nombre á o birreinato, ye o que en 1516 Juan Díaz de Solís clamó Mar Dulze, dito tamién Río de Santa María e Río de Solís. Os portugueses lo clamaban Río de Prata a causa d'os rumors que postulaban a esistenzia de metals preziosos, e que finalment s'imposó como Río d'a Plata (Río de la Plata en castellán).

A latinizazión d'o nombre aparixió en un atlas benezián de 1526, e dimpués Martín del Barco Centenera, miembro d'a espedizión de Juan Ortiz de Zárate, imitando á Ercilla con a suya L'Araucana, publicó en 1602 un largo poema d'a istoria d'o Río d'a Plata e d'os reinos de Perú, Tucumán e d'o estato de Brasil, baxo lo titulo La Archentinam n'o que denominaba-se á o territorio d'o Río d'a Plata como L'Archentino (El Argentino en castellán).

[editar] Organizazión territorial

Territorialmén Archentina ye organizata en 23 probinzias e la Ziudat Autonoma de Buenos Aires, an s'alcuentra la sede d'o gubierno federal.

As cuatro rechions n'as que s'agrupan as probinzias archentinas. A probinzia de Buenos Aires e la Ziudat Autonoma de Buenos Aires, en amariello, no integran denguna rechión.