Big Bang
De Biquipedia
O Big Bang (de l'anglés "gran esclatito") ye o nombre con que se conoxe á lo esclatito chigant que, seguntes bels zentificos, creyó lo nuestro uniberso. Si se calcula á que belozidat s'enampla l'uniberso e cuanto tiempo le ha calito ta plegar á la suya grandaria autual, podemos beyer que o Big Bang se produzió fa bels 13.700 millons d'años.
Barios zentificos, con os suyos estudios, han ito construyindo lo camín que leba ta la chenesis d'o modelo d'o Big Bang.
Os treballos d'Alexander Friedman (1922) e de Georges Lemaître (1927) emplegaban a Tioría d'a Relatibidat d'Albert Einstein ta contrimostrar que l'uniberso yera en mobimiento contino.
Poco tiempo dimpués, en l'año 1929, l'astronomo nordamericano Edwin Powell Hubble (1889-1953) descubrió galacsias más allá d'a Carrera de San Chaime que s'alexaban de nusatros, como si l'uniberso se dilatase de contino. En l'año 1948, o fesico ruso nazionalizato nordamericano, George Gamow (1904-1968), plantía que l'uniberso se creyó en un esclatito chigant.
Curiosament, estió un d'os detrautors d'ista tioria, l'astrofesico anglés Fred Hoyle qui, en 1950 e t'arreguir-se-ne, caricaturizó ista explicació con a esprisión big bang ("Gran Esclatito" u "Gran Boom" á lo inizio de l'uniberso), con la que agora se conoxe.
[editar] Articlos relazionatos
- Cosmolochía
- Uniberso
- Big Crunch
- Efeuto Doppler
