Depresión de l'Ebro
De Biquipedia
A depresión de l'Ebro u bal de l'ebro dende o punto de bista estratigrafico ye una cuenca d'antepaís que se fundió cuan se plegoron os mons pirineus. Dende o punto de bista cheofisico ye una "plataforma".
A cuenca d'antepaís se plenó de sedimentos terziarios, prozedens d'a erosión d'o Sistema Iberico y, sopre tot, d'os Pirinés. En o zentro ebaporiticos (chesos) y en os bordes terrichenos (archilas, arenas, graba). En o Miozeno superior yera plena de tot, y sedimentoron as calizas pontienses de as muelas de o seutor zentral (Sierra d'Alcubierre por exemplo) y empezipió l'apertura enta o mediterranio. Se orichinó o proto-Ebro, y empezipió a erosión de os materials terziarios, quedando as calizas pontienses y bels conglomeratos d'o Baxo Aragón como parte alta en as zonas menos erosionatas en os puestos entre dos ríos, (plataformas estructurals y mons testigo).
L'areya marchinal gosa estar más alta que o zentro. L'areya marchinal norte de a Depresión de l'Ebro ye o Semontano Pirenaico, y l'areya marchinal sur o Semontano iberico, que no ye tan bien definito.
O clima ye mediterraneyo semiarido continentalizato en o sector más zentral (Monegros, Bardenas, etz...) pero en os semontanos no ye tan seco.
