Lacuna de Gallocanta
De Biquipedia
|
||||
|---|---|---|---|---|
 |
||||
| Almenistrazión | ||||
| País |  Aragón |
|||
| Estato | {{{estato}}} | |||
| Probinzia | {{{probinzia}}} | |||
| Redolada | Campo de Daroca | |||
| Monezipio | {{{monezipio}}} | |||
|
|
||||
| Tipo | lacuna | |||
| Orichen | {{{orichen}}} | |||
| Superfizie | km² | |||
| Altaria | 1.000 m | |||
| Longaria | 7,7 km | |||
| Amplaria | 2,8 km | |||
| Fondura | 1,5 m | |||
| Bolumen | hm³ | |||
| Fuent | ||||
| Desagüe | {{{desagüe}}} | |||
A cuenca d'a Lacuna de Gallocanta ye en metat d'o Sistema Iberico. Ye amugada en o norte por as sierras de Santa Cruz y Baldellosa, y ta par d'o sur por os mons d'Odón y Torralba d'os Sisons. Ye a bels 1.000 metros d'altaria, tien 7'7 km de longaria y 2'8 km de amplaria, y cuenta con una fondaria en os puestos más fundos de 1'5 m. A Lacuna de Gallocanta no siempre tien augua en a suya cuenca, ya que i hai periodos de plebias y de sequera.
Os lugars que fan rolde a la lacuna son: Gallocanta, Berrueco, Tornos, Bello, Las Cuerlas. Una mica más lexos trobamos: Santet, Fuset, Torralba de los Sisons, Odón y Castellón de Tornos.
Contenius |
[editar] Cheolochía
Ocupa o fundo d'una fosa tectonica en una zona on materials mesozoicos descansan sopre materials de l'era paleozoica. Os materials paleozoicos, biellos y con grau de metamorfismo, tienen poqueta porosidat (encara que sigan en o suyo orichen areniscas) y fan de livel impermiable. Istos materials afloran enta l'este d'a lacuna fendo elebazions d'o terreno, desfendose en bloques de latos rectos, con un modelato de tipo berrocal que da nome á dos lugars Berrocal y o Berrueco. Os materials mesozoicos afloran millor enta l'ueste. O zentro d'a cuenca sedimentaria ye pleno, como ye normal, de materials cuaternarios resultato d'a erosión rezién d'o debandito.
[editar] Flora
A lacuna, por estar cuasi un ambién estepario, y por a man de l'ombre, ye plena de campos de zereals, tornasols, bels panizals, ortals y campos d'alfalz. En os mons encara se i puede beyer pins, carrascas o chaparras, caxicos y chinebros. An que i hai augua se troban os chopos y azarollos. Os arbols que fan fruta más comuns son as almendreras, encara que se pueden trobar bellas manzaneras. Antes más se cautibaba a bit y o zafrán.
I ha gran cantidat de plantas alofilas que soportan muita salinidat y, por ello, perfeutas t'a lacuna. O sistema cuenta con bels endemismos y espezies en proteuzión como a Puccinella pungenns y o Luthrum flexousom, y bellas Orchis palustris.
[editar] Fauna
Encara que a lacuna, debito á la suya salinidat, no puede albergar pexes, sí que i ha un importán numero d'abes, reptils y anfibios por os arroyos y as basas, y mamifers por as sierras y mons. Cuenta con más de 220 espezies diferens d'abes, entre as más importans os güeitres, alicas, grudas, porpuz u "baubas" y fochas.
Entre os mamifers podemos trobar-ie: corzos, paniquesas, rabosas, gatos monteses, bel pardo, chabalins, fuinas, conillos, taxugos, etc. Son comuns en as basas y arroyos d'a redolada as ranas, zapos, fardachos u "ardachos" (que se minchaban fa poco tiempo), sargantanas u "sangartesas" y bellas espezies de cullebras como as gripias.
[editar] Luenga
Se i charra castellán con bels repuis de l'aragonés.
Trobamos o "buseu" (bus conté ayer), casos de /j/ antiparagochica (leyer, mayestra, Ismayel), restos (más u menos fosilizaus) d'o pronombre en, y atros.
Con tot y con ixo, an que más se notan os repuis de l'aragonés ye en o lexico.
