Ordinador
De Biquipedia
Un ordinador u computadora, ye un aparato que sirbe ta prozesar informazión siguindo uns prozedimentos determinatos. Anque aparatos como l'abaco y atras calculadoras mecanicas dentren en ista definizión, os ordinadors mudernos son aparatos eleutronicos, alazetatos en l'Alchebra de Boole y o sistema binario.
Contenius |
[editar] Partis d'un ordinador
[editar] O prozesador
O zelebro d'a maquina ye o prozesador u a unidá zentral de prozeso (CPU). Ye un chip con millons de microtransistors capable d'executar millons d'instruzions por segundo. Ye o encargato d'agafar os datos de dentrada, y executar as instruzions d'un programa informatico ta chenerar unos resultatos (datos de surtida). A suya potenzia la da la suya belozidá mesurata en Hertzios(GHz), o tipos de CPU (Pentium 3, Pentium 4, Athlon,...), y a mesura d'a memoria cache que encorpora (puede estar de nibel 1, 2 u 3).
Ye muntato en a caxa (tamién clamata torre) que contiene as partis de l'ordinador que han de ser más amanatas á lo prozesador.
[editar] A memoria prenzipal
A memoria ye a encargata d'almadazenar os datos y os programas que s'han de nimbiar á lo prozesador, ta la suya execuzión. Tamién s'encarga d'alzar os datos que iste chenera.
Li'n clama memoria prenzipal á aquera á cuala o prozesador azede de forma direuta, con más frecuenzia. Por as suyas carauteristicas, cheneralmén s'emplega a memoria de tipo RAM (memoria d'azeso aleatorio) ta ista funzión.
Todas as unidaz de memoria se pueden clasificar seguntes a capazidá (256 megabytes (MB), 512 MB, ...) y o tipo (de menos rapida á más); SDRAM(100), SDRAM(133), DDR (266), DDR(333), DDR(400),...
[editar] Dispositibos d'almadazenamiento
Por custions teunicas, d'ordinario ye imposible almadazenar toda la informazió en a memoria prenzipal. Por ista enchaquia, esiste a memoria secundaria, an s'almadazena toda la informazión con a que no siga treballando o prozesador en ixe inte. En cheneral, ista ye constituyita por toda una serie de dispositibos d'almadazenamiento esferenziatos d'a computadora en si mesma.
Á esferenzia d'a memoria prenzipal, que gosaba ser bolatil (se borra en apagar l'ordinador), os dispositibos d'almadazenamiento gosan ser no bolatils (se conserba o suyo contenito cuan s'apaga l'ordinador). Bi ha diferens tipos: disquets, discos duros, CD (Disco Compauto), DVD, zintas, memorias flash, ...
[editar] Dispositibos de dentrada y surtida (E/S)
Nos premiten comunicar-nos con l'ordinador;
- De dentrada; El teclat, el ratón, o joystick, o escaner, o microfón, a webcam, ...
- De surtida; o monitor, l'altaboz, a imprentadora,...
[editar] Atros dispositibos
Dentro d'a caxa de l'ordinador (u a torre), cal coneutar o processador con toz os atros dispositibos, ta fer-lo, s'emplega la placa alazet, sobre a cuala se instala;
- O procesador
- A memoria prenzipal
- Os dispositibos d'almadazenamiento
- Os dispositibos de dentrada y surtida
- Os buses (coneuten os dispositibos internos entre ers)
- A tarcheta de bidio (construye as imachens que se beyen por o monitor)
- A tarja de soniu (premite a reproduzión y grabazión d'audio)
- A fuen d'alimentazión (proporciona la eletrezidá que amenistan os diferens componens)
- Os puertos de comunicazions (coneuton con dispositibos esternos) (USB, serie, paralelo, PS/2,...)
