Orient Meyo
De Biquipedia
L'Orién Meyo (arabe: الشرق الأوسط, ebreu: המזרח התיכון) siñala una rechión d'Asia dende Siria dica la muga entre Irán e Afganistán, pasando por a Peninsula Arabiga.
Sin dembargo, as mugas no son clarament definitos, e á begatas se diz Orient Prosimo á la parti más amanata á lo Mar Mediterranio.
Cheneralment o termín fa referenzia á lo conchunto formato por os siguients países:
- Arabia Saudí
- Bahrein
- Chordania
- Echipto
- Emiratos Arabes Unitos
- Irán
- Iraq
- Israel
- Kuwait
- Libano
- Omán
- Qatar
- Siria
- Yemen
- asinas como á los territorios de Zischordania e a Faxa de Gaza.
Os países d'o Maghreb (Alcheria, Libia, Marruecos e Tunizia) son á ormino enrastratos á lo Meyo Orient debito á la zereña relazión cultural e istorica. Atros países como Sudán, Mauritania e Somalia tamién tienen relazión con ista rechión. Turquía e Chipre, aunque cheograficament son amán d'ista rechión se consideran parti d'Europa. Á l'este, Afganistán ye á begatas relazionato con o Meyo Orient.
