D'boarische Woocha
Aus Wikipedia
D'Wochadog auf Boarisch undascheidn sie vo de Hochdeidsche. Da Grund is' das sie de Wochadog im bairischn Dialekt laung ausm Ålthochdeitschn dahoitn hom. Ursprünglich san die Wochentog, mit die germanischn Gottheitn bezeichnet wurn. Bis auf a poar Ausnahmen loßn sie olle noch dem Musta obleit'n. Die Eintalung söwa geht auf'n Mondkalenda zruc'k, wos scho entstånd is' bevors Christntum då woar.
[dro werkln] D'Wochadog af boarisch
| Boarische Ausdrick | Standarddeitsch | Woher des kimmt |
|---|---|---|
| Maouda, Mâda, Moda, Menda, Afdamending, Mondog, Manda | Montag | Wia da Nåm scho sågt, leitet sie des vom Mond åb. |
| Däisda, Iada, Ertig, Deanschtog, Deansdog, Irda, Erchtog, Afdamondog, Achtamada, Eischta, Iaschdog | Dienstag | Bezeichnet an Ziu, Areos oda Er, wos oisse am römischn Mars entsprechnde Götta woarn. Erchtog und Irda haben de Got'n den Dog zu Ehren vo ihrm Religionsstifter Arius benannt. |
| Miewa, Midda, Middog, Micha, Mirtwoch, Migga, Midwoch, Mickn | Mittwoch | Ursprüngli da Gudesdag, a Beinam vom Wodan, der mitm römischn Merkur gleichgsetzt wurn is'. |
| Doaschda, Pfinsda, Pfinstig, Dunnaschtog, Dunnasdog, Finsdog | Donnerstag | Leitet sie vom Donar, Thor ob, der mitm Jupiter gleichgsetzt woar. De Forma mid Pfins kemma vom griechischn pempte hemera, wos fümfta Dog hoasst. |
| Freida, Freidog, Pferrendog, Pferder | Freitag | Vo da Göttin Freya obgleitet, im römischen Venus. Pferder kimmt vom griechischen parascoie, wos rüstn hoasst. Der Dog an dem Christus hi'gricht wordn is, war der Rüstdog zum Sabbat. |
| Sâmsda, Somsda, Sansba, Samsdog, Saumsdog | Samstag | Entweder vom Sabbat obgleitet, oda vo ana Gottheit die Ambeth ghássn håt. Sabbat hoast auf griechisch Sambaton, des ham de Got'n g'nomma und zu uns nach Bayern bracht. |
| Sunnda, Sundda, Sunntog, Sunntig, Fardda | Sonntag | Des leitet sie wieda vo da Sun ob, oda vo Ålthochdeitsch für Herrentog. Beim Fardda is mera da "Feiertag" gmoand, geid oba a fian Sundda. |
