Mittelalter

Aus Wikipedia

A mittloitaliche Variantn vom Fenstaln, bei dera s'Schmoiz vo de Mádln gfrogt war

Undam Middloiada fastäd ma a Epoch fu da eirobäischn Gschichtschreimung un moand domid des Zeit fu ca. 500 n. Chr. bis ca. 1500 n. Chr. S´Middloiada is des Zeit zwischn da Antikn und da Neizeit

Mo undascheid groub no in drei faschine Eiteilungen:

Friae Middloida 500 n. Chr. bis 1000 n. Chr.
Houe Middloida 1000 n. Chr. bis 1250 n. Chr.
Spaade Middloida 1250 n. Chr. bis 1500 n. Chr.

De gseischåftlichn Grundziag aus dera Zeit woan brägt fum Christntum, da Ständ und am Feudalismus. De Buidungsspråch woa Latein.

[dro werkln] D´zeitliche Eioadnung

Historisch gseng liagt da Beginn fum Middloida zwischn dem Eifoi vo de Hunnen ins remische Reich 375 n. Chr., dem Untagong fom Westremischen Reich 476 n Chr. und da Christianisierung bis 600 n. Chr. und s`End umara 1500 n Chr. mim Ofang vo da Friaen Neizeit.

s´Friae Middloida

D´Hunnen, a asiatischs Reitafoik, ham mim Iwatritt iwa d´Woiga 375 n. Chr. de Alanen westwarts fadrängt und aso de Veikawanderung ausglöst. Des eh scho bolidisch ogschlonge Rämische Reich hod de Auswiakunga vo dera Wanderung ned iwastandn. So san mid da Zeit fui germanische Veika ins Westremischen Reich eigfoin, wia de Godn, de Wandaln, de Franggn, de Buagunda, de Saxn de Bajuwaren und de Langobarn und hom doat eigne Reiche gmacht. Umara 600 n. Chr. hot se des ois a wengal beruhigt. Um de Zeit is dan de Bveikarung a wieada gwogsn.

Åb 650 n. Chr. san dann de Araba iwa d´Strass fu Gibraltar un ham des Westgotische Reich in Spanien bis 720 n. Chr. untawoafa. Des woa des End fum gmeinsama Handlsraum fun Middlmea. S´oanzige Voik, des sei Reich aufm Kontinent dahoidn hod kinna, wan de Franggn. Se ham se, bsonders duach am Koal den Groussn, weide Deile fu Westeiropa eifaleibt.

So is des Franggnreich zu seina Zeit fo de Pyrinäen im Westn bis zum Donauknia im Ostn, bis zua da Elbe im Norn und bis auf Obaitalien ganga. Da Karl is nahat 800 n. Chr. zum remischn Kaisa in Rom kränt woan. Des Reich is oba scho mit seine Enken ausanandagfoin. Aus dene Teilreiche is des friae Franggnreich und des Heilige Rämische Reich deitschter Nationworn.

In de Zeid foin no de Raubziag da Winkinga unda denen de Bwohna fu die britischn Inseln zum Leidn ghobt hom, sowia da Aifoi fu de Magyaren, de heitigen Ungarn.

Wirtschoftlich woa in frian Middloida da Naturalienhondl foaheschnd.

Füa d´Kultua woa des a diafa Rückfoi, so san grod aus dera Zeid nua de Kiachbautn wos gwesen, wos ma heid no siagt. Lesn un Schreim hom zu dera Zeid nua de Klosterleit kennt, desweng is Latein a de Sproch bliam, mid dera se olle hom fastäning kenna.

Houe Middloida

Ois da Otto fu de Soxn in Rom zum Kaiser krent woan is und sou die Zeit des deitschn Kaiserreich ogånga is do begints s´houe Middloida. In dera Zeit hod se de Wiatschaftsfoam fum Feudalismus duachgsetzt und es woa de Houe Zeid da Ritta und da Minnesänga.

D´Kreizziag zua Befreiung fo de heiling Städ in Palästina foin genauso in de Zeid wia de Gründung fo de meistn Bettloadn fu de Priasta, de uns vom Noma noch guad bekönnt sei, wei fui Bia noch denen benannt is. A des krichliche Schisma, des hoast de Drennung fu da remischn Kiach und da Ostkiach is in dera Zeid gwen.

Duach de Christanisierung hom se in Noad und Osteiropa neie Reiche buit, wia Änglond, Noaweng, Ungarn, Bähmen und mid da Hiuf fo Byzanz duach de Wikinga da Kiewer Rus, da Foagänga fu Russland.

Um 1000 n. Chr. fonga de Christn a o, Spanien wiada zum Eaoban.

In dera Zeit fongt´s langsam wieda o, da Kultua gibt. So wean de groussn Kathedraln ogfånga zum baun, d´Minnesänga singa in da eingen Språch un da filosofischä Zweig da Scholastik hod do sein Häepunkt.

Spaade Middeloida

Ob 1250 n.Chr schbrichd ma dann fum spaadn Middeloata. Duach den Eifoi da Mongoin umra 1223 wead da Ostn fu da Entwciklung im Westn zruckgwoafa. Mid Akkon foid 1291 de letzt Kreizfoarafestung an da Levante un um 1350 brichd de Pest aus. Weil da so fui Menschn dro gstoam san, hod ma fuid Oabat mera Geid griagt. Sou hod d´Ståodt od de Leit fu da Ståodt s´Wirtschaftslem in Hand gnumma. Oba da Üwagong zua Geidwiatschoft is an zwoa Oatn bassiat. Oamoi in Idalien, wou de Stådstoon den Handl mim Orient in Hand gnumma hom und in Noadeiroba de Hanse.