Stefan Banach

From Wikipedia

Stefan Banach (Cracovia, Polonia, 30 di marzu 1892 - Leopoli, Polonia/Ucraina, 31 d'aostu 1945) fù un matematicu polaccu, unu di l'animatori di a Scola matematica di Leopoli in a Polonia frà e dui guerre. Era in maiò parte un autodidattu in matematica è u so geniu fù scupartu accidentalmente da Hugo Steinhaus.

Nasce da Stefan Greczek è Katarzyna Banach chì lo abbandona à pochi ghjorni da a nascita è cresce incù a nonna materna in u villaghju di Ostrowsko, à una cinquantina di chilometri da Cracovia. Da u 1902 frequenta un Gymnasium di Cracovia in u quali stringhje amicizia incù un altru futuru prufessori di matematica, Witold Wilkosz; incù lui si appassiona in modu piuttostu esclusivu à i problemi di a matematica. Micca pensandu à a possibilità di una carriera in ista disciplina, in u 1910 si scrivi à a facultà di inghjegneria di l'Università Tecnica di Leopoli, città allora parte di l'Imparu Austro-Ungaricu. Dovindosi mantene à i studi incù lezioni private, si laurea incù una certa fatica in u 1914. Durante a guerra, inevuli à u serviziu militare à causa di a debolezza di un ochju, lavora à a costruziu di strade è frequenta lezioni di matematica à l'Università di Cracovia, cunniscendu forse Stanislaw Zaremba.

In u 1916 si verifica un episodiu cruciali per a so vita è per lo sviluppu di a matematica in Polonia. Hugo Steinhaus passighjandu à Cracovia in i pressii di un parcu, sente pronunciare i paroli misura di Lebesgue è fa cunniscenza di dui apprendisti matematichi, Stefan Banach è Otto Nikodym; incù loru fa amicizia è decidonu di fundare una sucetà matematica: sarà a Sucetà matematica di Cracovia natu in u 1919 è divinterà in u 1920 a Sucetà matematica Polacca. In cullaboraziu incù Steinhaus, Banach scrivi i primi lavori di matematica, subitu di altu livellu. In u 1920 divinta assistente di Lomnicki à l'Università Tecnica di Leopoli è incù lui ottiene una qualifica matematica incù a tesi Oparazioni sugli insiemi astratti è so applicazioni à l'equazioni intecrali, travagliu chì tanti ritengonu signi a nascita di l'analisi funzionali. In u 1922 pressu l'Università Jan Kazimierz di Lwów ottiene l'abilitaziu à l'insignamentu di a matematica incù uma tesi sulla teoria dela misura è incù decretu di u Capu dellu statu viene nominatu prufessori straordinariu di matematica. In u 1924 divinta prufessori universitariu è finu à u 1939 pò dedicà si à a ricerca matematica incù importanti risultati.

Hè istu u pariodu di fiuritura di a Scola matematica di Leopoli.

Banach è Steinhaus fundanu in u 1929 è successivamente dirigonu l'importante pariodicu Studia mathematica. In u 1931, Banach è Steinhaus da Lwów è Knaster, Kazimierz Kuratowski, Stefan Mazurkiewicz è Waclaw Sierpinski da Varsavia avvianu a cullana Mathematical Monographs. U primu volume di a cullana hè a Théorie des opérations linéaires di Banach, traduziu di u 1932 di a Teoria operacji liniowych scritta in u 1931. Trà i opare di Banach ista viene consideratu a più influente.

Allu scoppiu di a Seconda guerra mundiali Banach hè Presidente di a Sucetà Matematica Polacca. Lwów viene occupatu da i truppe sovietiche è rimane finu à u 1941 in regime di occupaziu militare. Nonostante istu, à Banach, membru corrispondente di l'Accademia di i Scenze di a RSS di l'Ukraina è in ottimi rapporti incù vari matematichi di l'Unione Sovietica, in particulare incù Sobolev è Aleksandrov, viene consentitu di mantene a cattedra è di fà ricerca. In u 1941 per Lwów inizia una brutali occupaziu di a Germania nazista; Banach riesce à sopravvive guadanandosi da vive alimentandu incù u prupriu sangue di i pidocchi utilisati per una ricerca annantu à a febbre tifoide condotta da Rudolf Weigl. In isti annii a so salute declina è contrae un cancru à i polmoni. In u 1944 i Sovietichi tolgonu Lwów à i Tedeschi è a incorporanu in issa Unione Sovietica. Banach more prima di poter esse rimpatriatu in Polonia ed hè sepoltu à u Cimiteru Lychakivskiy.

Banach viene consideratu u fundatori di l'analisi funzionali, argomentu di u quali avviò una trattaziu sistematica sviluppendu i risultati precedenti sopra i equazioni intecrali di Vito Volterra, Eric Ivar Fredholm è David Hilbert. Egli diede ancu importante contribuziu à a teoria di i spazii vetturiali topologichi, à a teoria di a misura, à a teoria di i insiemi è à a teoria di i polinomi ortogonali.