Йоханнес Бенцинг
Википедири материал
Йоханнес Бенцинг (ним. Johannes Benzing) — тунгус-маньчжур тата тĕрĕк чĕлхисен тĕпчевçи, Майнц Ăслăлăх академийĕн чăн юлташĕ (Германи). 1913 çулхи кăрлач, 13 çуралнă, 2001 çулхи пуш, 16 çĕре кĕнĕ.
[тӳрлет] Пурнăçĕпе ĕçĕ-хĕлĕ
Германири Швеннинген хулинче çуралнă. Тухăç халăхĕсен культурине Берлинта тата Францире вĕреннĕ. Й. Бенингăн 1935 - 1944 çç. пичетленнĕ ĕçĕсем тĕпчевçĕ çамрăкранпах тĕрĕк чĕлхипе интересленнине кăтартса параççĕ. Вĕсем хушшинче Н. И. Ашмаринăн "Чăваш сăмахĕсен кĕнекине" (1939 ç.) пахаласа çырнă темиçе статья тата чăваш чĕлхин грамматикипе çыхăннă тĕпчев ĕçĕсен ярăмĕ. 1953 ç. Майнц Ăслăлăхпа литература академийĕн член-корреспондентне суйланă. 1956 - 1963 çç. Турккă Республикинче Германи консулĕ пулса ĕçленĕ. 1963 - 1981 çç. Майнц университечĕн испан филологийĕпе культурин кафедрине ертсе пынă.
Йоханнес Бенцинг вĕренекенĕ Петер Шёниг (Peter Schönig) халь Берлинти Ирĕклĕ Университетăн Тюркологи институтĕнче профессорта ĕçлесе çавăн пекех студентсене чăвашла вĕрентет.
[тӳрлет] Кĕнекисем
- "Краткое введение в чувашский язык", Берлин, 1943.
- "Немецко-чувашский словарь-разговорник", Берлин, 1943.
- "Чувашский язык" // Основы тюркской филологии, 1959.
[тӳрлет] Каçăсем
- Johannes Benzing — Linguipedia çинчи статья, акăлчанла.
