എറണാകുളം ജില്ല
വിക്കിപീഡിയ, ഒരു സ്വതന്ത്ര വിജ്ഞാനകോശം.
| എറണാകുളം ജില്ല | |
| അപരനാമം: കേരളത്തിന്റെ വാണിജ്യ തലസ്ഥാനം | |
 വിക്കിമാപ്പിയ -- 10.00° N 76.33° E |
|
| ഭൂമിശാസ്ത്ര പ്രാധാന്യം | ജില്ല |
| രാജ്യം | ഇന്ത്യ |
| സംസ്ഥാനം | കേരളം |
| ആസ്ഥാനം | കൊച്ചി |
| ഭരണസ്ഥാപനങ്ങള്‍ | ജില്ലാ പഞ്ചായത്ത്‌ ജില്ലാ കലക്ട്രേറ്റ് |
| ജില്ലാ പഞ്ചായത്ത്‌ പ്രസിഡന്റ്‌ ജില്ലാ കലക്‍ടര്‍ |
എ പി ശൈലജ ഏ പി എം മുഹമ്മദ്‌ ഹനീഷ്‌ |
| വിസ്തീര്‍ണ്ണം | 2407ചതുരശ്ര കിലോമീറ്റര്‍ |
| ജനസംഖ്യ (2001) പുരുഷന്‍‌മാര്‍ സ്ത്രീകള്‍ സ്ത്രീ പുരുഷ അനുപാതം |
31,05,798 {{{സ്ത്രീ പുരുഷ അനുപാതം}}} |
| ജനസാന്ദ്രത | 1290/ച.കി.മീ |
| സാക്ഷരത | {{{സാക്ഷരത}}} % |
| കോഡുകള്‍ • തപാല്‍ • ടെലിഫോണ്‍ |
682 --- +91484, 91485 |
| സമയമേഖല | UTC +5:30 |
| പ്രധാന ആകര്‍ഷണങ്ങള്‍ | യൂദ സിനഗോഗ്‌ ഫോര്‍ട്ട്‌ കൊച്ചി തൃപ്പൂണിത്തറ കൊട്ടാരം നെടുമ്പാശേരി വിമാനത്താവളം |
എറണാകുളം ജില്ല - കേരളത്തിലെ പതിനാല്‌ ജില്ലകളിലൊന്ന്. മധ്യകേരളത്തില്‍ സ്ഥിതി ചെയ്യുന്ന ഈ ജില്ല കേരളത്തിന്റെ വാണിജ്യ തലസ്ഥാനം എന്നറിയപ്പെടുന്നു. സംസ്ഥാനത്തെ ഏറ്റവും വലിയ നഗരമായ കൊച്ചി, ചരിത്രപരമായി പ്രാധാന്യമുള്ള മട്ടാഞ്ചേരി, തൃപ്പൂണിത്തുറ എന്നീ പ്രദേശങ്ങളുടെ സാന്നിധ്യം ഈ ജില്ലയെ പ്രാധാന്യമേറിയതാക്കുന്നു.
ഉള്ളടക്കം |
[തിരുത്തുക] ചരിത്രം
കേരളം സംസ്ഥാനമായി നിലവില്‍വന്നശേഷം പഴയ നാട്ടുരാജ്യങ്ങളായ തിരുവതാംകൂര്‍, കൊച്ചി, മലബാര്‍ എന്നിവയിലെ പ്രദേശങ്ങള്‍ കൂട്ടിച്ചേര്‍ത്ത്‌ 1958 ഏപ്രില്‍ ഒന്നിനാണ്‌ എറണാകുളം ജില്ല രൂപീകൃതമായത്‌. കൊച്ചി രാജ്യത്തുനിന്നുള്ള പ്രദേശങ്ങളാണ്‌ പ്രധാനമായും ജില്ലയ്ക്കു കീഴില്‍ വന്നത്‌. ഇടുക്കി ജില്ല രൂപീകൃതമാകും മുന്‍പ്‌ തൊടുപുഴ താലൂക്കും എറണാകുളം ജില്ലാപരിധിയിലായിരുന്നു.
[തിരുത്തുക] പൂര്‍വ്വ ചരിത്രം
കടലിനോടു ചേര്‍ന്നു കിടക്കുന്നതിനാല്‍ പുരാതന കാലം മുതല്‍ക്കേ എറണാകുളം ജില്ലയിലെ മിക്ക പ്രദേശങ്ങളും വാണിജ്യപരമായി പ്രശസ്തിയാര്‍ജ്ജിച്ചിരുന്നു. കൊച്ചി തുറമുഖംവഴി അറബികളും, ചൈനക്കാരും, ഡച്ചുകാരും, പോര്‍ച്ചുഗീസുകാരും ഈ പ്രദേശങ്ങളുമായി വാണിജ്യ ബന്ധം സ്ഥാപിച്ചിരുന്നു. കൊച്ചി നഗരത്തില്‍ സ്ഥിതി ചെയ്യുന്ന യൂദ സിനഗോഗ്‌, ഡച്ച്‌ കൊട്ടാരം എന്നിവ എറണാകുളത്തിന്റെ ഗതകാല പ്രൌഢിക്ക്‌ ദൃഷ്ടാന്തങ്ങളാണ്‌.
[തിരുത്തുക] ഭൂമിശാസ്ത്രം
പടിഞ്ഞാറ്‌ അറബിക്കടല്‍, വടക്ക്‌ തൃശൂര്‍ ജില്ല, കിഴക്ക്‌ ഇടുക്കി ജില്ല, തെക്ക്‌ കോട്ടയം ആലപ്പുഴ ജില്ലകള്‍ എന്നിവയാണ് എറണാകുളത്തിന്റെ അതിര്‍ത്തികള്‍. ജില്ലയുടെ പടിഞ്ഞാറന്‍ പ്രദേശങ്ങള്‍ തീരഭൂമിയും കിഴക്ക്‌ മലമ്പ്രദേശവുമാണ്‌. കേരളത്തിലെ രണ്ടാമത്തെ വലിയ നദിയായ പെരിയാര്‍ ജില്ലയുടെ ഒട്ടുമിക്ക പ്രദേശങ്ങളെയും സ്പര്‍ശിക്കുന്നു. മനുഷ്യ നിര്‍മ്മിതവും അല്ലാത്തതുമായ നിരവധി ചെറുദ്വീപുകള്‍ ജില്ലയുടെ പടിഞ്ഞാറന്‍ മേഖലയിലുണ്ട്‌. വര്‍ഷത്തില്‍ നൂറ്റിമുപ്പതിലേറെ ദിവസവും മഴ ലഭിക്കുന്ന ഇവിടെ ശൈത്യകാലമൊഴികെ മിക്കപ്പോഴും സാമന്യം നല്ലചൂടനുഭവപ്പെടുന്നു.
[തിരുത്തുക] ഭരണം
പറവൂര്‍, ആലുവ, കൊച്ചി, കണയന്നൂര്‍, മൂവാറ്റുപുഴ, കുന്നത്തുനാട്‌, കോതമംഗലം എന്നിങ്ങനെ ഏഴു താലൂക്കുകളായി ജില്ലയെ വിഭജിച്ചിരിക്കുന്നു. കൊച്ചി നഗരത്തോടു ചേര്‍ന്നുള്ള കാക്കനാടാണ്‌ ജില്ലയുടെ ഭരണ സിരാകേന്ദ്രം. ജില്ലാ കലക്ട്രേറ്റ്, ജില്ലാ പഞ്ചായത്ത്‌ കാര്യാലയം എന്നിവയെല്ലാം ഇവിടെ കേന്ദ്രീകരിച്ചിരിക്കുന്നു.
[തിരുത്തുക] മുനിസിപ്പാലിറ്റികള്‍
തൃപ്പൂണിത്തുറ, മൂവാറ്റുപുഴ, കോതമംഗലം,പെരുമ്പാവൂര്‍,ആലുവ, കളമശേരി,പറവൂര്‍, അങ്കമാലി എന്നിവയാണ് എറണാകുളം ജില്ലയിലെ മുനിസിപ്പാലിറ്റികള്‍.
 |
കേരളത്തിലെ സ്ഥലങ്ങളുമായി ബന്ധപ്പെട്ടുള്ള ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കാന്‍ സഹായിക്കുക. |
| കേരളത്തിലെ ജില്ലകള്‍ |  |
|---|---|
| കാസര്‍ഗോഡ്‌ | കണ്ണൂര്‍ | വയനാട് | കോഴിക്കോട് | മലപ്പുറം | പാലക്കാട് | തൃശ്ശൂര്‍ | എറണാകുളം | ഇടുക്കി | ആലപ്പുഴ | കോട്ടയം | പത്തനംതിട്ട | കൊല്ലം | തിരുവനന്തപുരം | |
