Hjelpeverb
Frå Wikipedia – det frie oppslagsverket
Eit hjelpeverb er eit verb som ikkje opptrer aleine i setninga, og som ikkje har sjølvstendig grammatisk innhald, men som modifiserer eit leksikalsk verb. Vi skil mellom modale, temporale og passivdannande hjelpeverb.
[endre] Syntaktiske særdrag
Hjelpeverb skil seg syntaktisk frå andre verb. I dei fleste norske dialektar tar hjelpeverb infinitivar som komplement utan infinitivsmerke, t.d. Eg kan sykle, jf. Eg prøver å sykle. Til skilnad frå andre verb kan hjelpeverb ikkje erstattast med proverbet gjere:
- Syklar du? -- Ja, eg gjer det."
- Kan du sykle? -- Ja, eg kan det. / *Ja, eg gjer det.
[endre] Morfologiske særdrag
Hjelpeverba er definert som gruppe med syntaktiske kriteria, men dei skil seg ofte frå andre verb også morfologisk. I engelsk manglar t.d. hjelpeverba formativen -s i 3. person singularis (I can).
 |
Denne språkartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over språkspirer. |
