Sola kommune
Frå Wikipedia – det frie oppslagsverket
| Våpen | Kart |
|---|---|
 |
 |
| Grunnleggjande opplysningar | |
| Kommunenr: | 1124 |
| Fylke: | Rogaland |
| Administrasjonssenter: | Solakrossen |
| Flatevidd: | 68,9 km² |
| Folketal: | 20 138 (2006) |
| Målform: | Nøytral |
| Internettside: | www.sola.kommune.no |
| Politikk | |
| Ordførar: | Håkon Rege (H) 2003-2007 |
Sola er ein kommune i Rogaland fylke med 19 555 innbyggjarar pr. 1 januar 2004, 9 571 av desse bur i tettstaden Solakrossen. Andre tettstadar er Tananger (5 833), Hålandsmarka (604) og Stenebyen (643).
Ved inngangen til 1980 var folkemengda i kommunen 12 323.
Sola kommune tilsvarar det som frå 1840 heitte Sola sokn i Håland herad.
Det er sju valkrinsar i Sola kommune; Tananger, Sola, Håland, Dysjaland, Stangeland, Røyneberg og Grannes.
Stavanger lufthamn, Sola Hovudredningssentralen for Sør-Noreg og Sola Flystasjon ligg i Sola kommune.
I Risavika ligg eit stort hamneanlegg.
Innhaldsliste |
[endre] Geografi
Sola kommune ligg nord på Jæren, ved Hafrsfjord. Kommunen grensar til Klepp i sør, Sandnes i aust og Stavanger i aust og nord. I vest grensar kommunen til Nordsjøen.
I Sola finst mange fine sandstrender, mellom anna Solastranda. Høgaste punkt i kommunen er Kjerrberget (101 m.o.h.).
Arealet er 69 km². Størstedelen er fruktbart sletteland. Jordbruksarealet er 41 km².
Øya Rott er kjend for sitt fugleliv. Her ligg det sørlegaste fugleværet i Noreg.
[endre] Historie
Sola kommune er rik på spor etter menneskeleg verksemd, frå steinaldaren via bronsealdaren, vikingtida og fram til i dag. Rike gravfunn, mange fornminne og spor etter store gardar fortel om en stordomstid heilt attende til bronsealdaren. Rægehaugane er det rikaste gravfunnet i Noreg frå bronsealdaren.
Kjende namn frå vikingtida er Harald Hårfagre (om lag 865- om lag 933) og Erling Skjalgsson (fødd om lag 975). Begge er viktige i Noregssoga. Erling Skjalgsson er kalla Rygekongen eller Rygane sin konge. Ein kald ettermiddag før jul i 1028 vart han hoggen ned av Aslak Fitjaskalle si stridsøks.
Samlingen av Noreg til eitt rike skjedde truleg rett ved Ytraberget i Sola kommune. Slaget i Hafrsfjord stod i 872 eller nokre år etter det. Ein bautastein med kong Olav V sin signatur vart reist nær toppen av Ytraberget ved 1100-års jubiléet i 1972. Monumentet 'Sverd i fjell' av kunstnaren Fritz Røed vart avduka i 1983. Det ligg i Møllebukta (ved den delen av Hafrsfjord som tilhøyrer Stavanger kommune).
Sola Ruinkyrkje fra 1120-1150 er restaurert og vart gjenopna i 1995.
Alt på 1200-tallet var Sola delt i tre sokn med kvar si kyrkje, ei på Håland, ei på Sola og ei på Tjora. Det var desse tre sokna som i 1840 vart slegne saman til eitt.
Det fyrste heradsstyret i Håland (då skrive Haaland) vart kalla saman i 1837 og valde losoldermann Gabriel Monsen til sin fyrste ordførar.
Den tidlegare kommunen Håland herad vart i 1930 delt mellom Sola og dåverande Madla kommune. Madla vart i 1965 slegen saman med Stavanger).
[endre] Musé
- Flyhistorisk Museum Sola
- Kystkultursamlinga i Tananger
- Rogaland Krigshistoriske Museum (RKM)
[endre] Avis
Solabladet er lokalavis for Sola. Regionavisa Stavanger Aftenblad har òg nyhende frå kommunen.
 |
|
