Nervion
Un article de Wikipèdia, l'enciclopèdia liura.
Eth Nervion (en castelhan: Nervión; en basc: Nerbioi) ei un arriu deth País basc, en nòrd d'Espanha. Nèish en limit des províncies de Burgos e Alaba, des aigües que baishen des Nauti deth Corral, Bagate e Urkabustaitz per ua part e era sèrra de Garobel o Salbada pera auta, ena sèrra cantabrica. A pògui quilomètres deth sòn neishement, forme un gran saut de 270 mètres, entà continuar dempús pera val de Délica (Delika) en demorança nord-èst. Baisha pera cridada val deth Nervion o Naut Nervion enquia entrar tara província de Biscaia, apròp deth pòble de Orduña. En municipi de Basauri, conflueish damb eth Ibaizabal, arriu de cabau e longitud parièrs, e junti dividissen eth rèste dera comarca deth Gran Bilbao, en tot crotzar peth cap-lòc jos eth nom d'Arrisque de Bilbao (tanben coneishuda com Arrisque deth Nervión o deth Ibaizabal), enquia arribar ara sua desbocadura ena Mar Cantabrica, enter es monicipis de Getxo e Portugalete. enes sòns prumèrs trams, pendent es epòques estivals ath non èster sason de ploges ne auer-i nhèu sus es sèrres, eth sòn cuert e imprecisa llera se ve absent d'aigua.
