Monede Euro dla Finlandia

Test an lenga piemontèisa

Le monede Euro dla Finlandia a mostro tre dissègn diferent. Ij taj ch'a van da 1 centésim a 50 centésim a mostro un lion, un dij sìmbol aràldich ëd la nassion, dissegnà da Heikki Häiväoja. Ël taj da 1 euro, ëd Pertti Mäkinen, a rapresenta na cobia ëd sign ch'a vòlo. La moneda da 2 euro, ëd Raimo Heino, a mostra la fior e la còcola dël Rubus chamaemorus, la àmpola àrtica.

Tuti ij taj a inserisso ëdcò le dódes stèile sìmbol ëd l'Euròpa e l'ann dël cònio.

Ij finlandèis, parèj che j'olandèis, a l'han soasì ëd dovré nen le monedin-e da 1 e 2 centésim. Le monede an sirculassion a resto legaj ma a sono pì nen distribuìe. Ij totaj a ven-o artondà aj 5 centésim pì davzin. L'artondament a l'è fait mach për ël total final e ij sìngol pressi a peulo ëdcò avèj dle cifre diferente da 0 e 5.

2 euro - Ël Rubus chamaemorus

1 euro - Un-a cobia ëd sign

50 eurocent - Ël lion aràldich

20 eurocent - Ël lion aràldich

10 eurocent - Ël lion aràldich

5 eurocent - Ël lion aràldich

2 eurocent - Ël lion aràldich

1 eurocent - Ël lion aràldich

La Finlandia a l'ha emëttù tre monede comemorative da 2 euro ant j'agn 2004, 2005 e 2006. La moneda dël 2004 a celebra l'ampliament ëd l'Union Europenga aj 10 neuv Stat intrà ant ël 2004. A mostra un-a colòna d'andova ch'a seurto des but ëd feuje, sìmbol ëd la chërsùa dl'Union. La moneda dël 2005 a rapresenta un-a colomba ëd la pas e a celebra ij 60 agn ëd le Nassion Unìe e ij 50 agn ëd l'intrada dla Finlandia ant l'ONU. La moneda dël 2006 a comémora ij 100 agn dl'arforma dël Parlament Finlandèis e dël sufragi universal e a rapresenta doi visagi , un mascolin e un feminin.

2 euro comemorativ, 2004

2 euro comemorativ, 2005

2 euro comemorativ, 2006

E be'? :) È facile imparare a leggere una lingua che si parla già. Consulti

St'utent-sì a l'é un bogianen

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.

E che a manca pa dë vardesse la pàgina d'agiut për chi as anandia da zero.