Jake Gyllenhaal

Nga Wikipedia, Enciklopedia e Lirë

Jake Gyllenhaal

Jake Gyllenhaal u lind më 19 Dhjetor 1980, në Los Angeles të Kalifornisë. Është i biri i Stephen Gyllenhaal, një regjisor hollivudian dhe Naomi Foner, producente dhe skenariste. Gjithashtu Jake është vëllai i Maggie Gyllenhaal, një aktore e suksesshme. Jake Gyllenhaal debutoi për herë të parë në filmin City Slickers ku luajti djalin e personazhit të luajtur nga aktori Billy Cristal. Me këtë rol ai filloi karrieren e tij si një aktor që premtonte shumë në të ardhmen, duke e vërtetuar këtë me paraqitjet e tij të mëvonshme në filmat Moonlight Mile, Donnie Darko ( që konsiderohet të jetë filmi i tij më i suksesshëm deri më tani), The Day After Tomorrow, Jarhead dhe më së fundi Brokeback Mountain, filmi që i dha atij rastin të nominohet për çmimet më prestigjioze në industrinë e filmit, duke përfshirë këtu çmimim Bafta ku ai fitoi për Best Supporting Actor (Aktori më i mirë në rol mbështetës) për të cilin kishte një konkurrencë jashtëzakonisht të fortë, si dhe arritja e tij më e madhe, nominimi për çmimin Oskar si Aktori Më i Mirë Dytësor për rolin Jack Twist. Fatkeqësisht, gjyqtarët nuk vendosën t'i japin Oskarin atij, duke e ndarë këtë çmim për aktorin George Clooney. Ky vendim ngriti polemika mes adhuruesve të Jake-it, të cilët insistonin se nuk i ishte dhënë çmimi, për të vetmen arsye sepse filmi kishte një temë konservative. Sidoqoftë, për këtë rol Gyllenhaal fitoi edhe çmime tjera si Best Performance dhe Best Kiss në MTV Movie Awards 2006. Momentalisht ai po bën xhirimet për filmin Zodiac që pritet të dalë në kinema rreth fundit të Janarit 2007.

[redaktoni] Trivia

Aktori rrjedh nga një familje fisnike suedeze.
Adhuruesit e tij vetëquhen 'Gyllenhaalics'.
Motra e tij, Maggie e prezantoi me aktoren Kirsten Dunst, me të cilën më vonë Jake filloi të takohej. Ata u ndanë në Korrik të vitit 2004.
Është shok i ngushtë me Natalie Portman dhe Bryce Dallas Howard.
Në shkollën e mesme ka qënë në të njëjtën klasë me anëtarë e grupit Maroon 5.
Libri i tij i preferuar është "To Kill A Mockingbird" dhe Jake ka emëruar dy qentë e tij Atticus dhe Boo sipas emrave të personazheve kryesore të librit.
Ka të njëjtën ditëlindje si Marla Sokoloff, Alyssa Milano, Jennifer Beals dhe Édith Piaf.
Kumbara e tij është aktorja e njohur Jamie Lee Curtis.
Thotë se idolët e tij janë Anthony Quinn, Paul Newman, Sean Penn, Bruce Springsteen dhe Bono.
Ishte në audicion për rolin e Bruce Wayne pë filmin Batman Begins, por roli iu dha Christian Bale.
Ishte në audicion për rolin e Spider-Man, por roli iu dha Tobey Maguire.
Braktisi Universitetin e Kolumbisë pas dy vitesh studimi.