NASCAR

Mula sa Tagalog Wikipedia, ang malayang ensiklopedya.

Ang NASCAR o National Association for Stock Car Auto Racing ay isang malaking organisasyon na pangkarera na nakabase sa Estados Unidos. Sinimulan ito ni Bill France noong 1948. Mula 1949 hanggang 1971, ang pinakamalaking serye ng pangkarerang kampeon na ito ay kilala bilang Grand National. Mula 1972 hanggang 2003, kilala ang cup series na ito bilang The Winston. Ang mga tatlong serye ng pangkarerang kampeon ng NASCAR ay Nextel Cup, Busch Series at Craftsman Truck Series. Noong 2004 ang NASCAR ay ginawang mga play-off ng 10 huling karera sa yugto na kilala bilang "Chase for the Cup". Ang pinakamalaking karerahan ng NASCAR ay Talladega Superspeedway sa Alabama, kung saan ang mga sasakyan na bumibilis ng mahigit 190 mph. Noong 1998 ipinangdiwang ang ika-50 annibersaryo ng NASCAR Winston Cup Series.

Ang mga sasakyan na ginagamit sa NASCAR Nextel Cup Series at Busch Series ay Dodge Charger, Chevrolet Monte Carlo SS at Ford Fusion. Ang ika-apat na sasakyan, Pontiac Grand Prix, ay ginagamit hanggang magretiro noong 2004, nang matapos ang sponsorship ng Pontiac sa NASCAR. Sa Craftsman Truck Series ang mga pangalan ng mga sasakyan ay Chevrolet Silverado, Dodge Ram at Ford F-150, pati rin ang di-Amerikanong sasakyan na Toyota Tundra.

Noong 2004 naging sponsor ng NASCAR ang Nextel mula sa RJ Reynolds nang ipinagbawal ng pamahalaang federal ang mga patalastas ng sigarilyo sa telebisyon at radyo.

Sinimulan ang pagpalabas ng NASCAR sa telebisyon sa huling yugto ng 1970. Pinapalabas ang NASCAR sa CBS, ABC, ESPN, TNN, at sa Turner Broadcasting System, mula 1979 hanggang katapusan ng Yugto ng NASCAR Winston Cup noong 2000. Subalit sa pagpasok ng 2001, ito ay napapanood sa FOX at FX, sa unang bahagi ng yugto at sa NBC at TNT, sa ikalawang bahagi ng yugto ng NASCAR, ngunit nagwakas ito noong 2006. Sa 2007 ang NASCAR ay mapapanood sa FOX mula Daytona 500 sa Daytona International Speedway hanggang sa Neighbourhood Excellence 400 sa Dover International Speedway. Ang Turner Network Television ay magpapalabas ng anim na karera kasama ang Pepsi 400 sa Daytona sa Daytona International Speedway. Ang American Broadcasting Corporation at ESPN ang magpapalabas ng 17 natitirang karera, kasama ang Chase For The Nextel Cup. Ang ESPN2 ay magiging tahanan ng mga karera sa NASCAR Busch Series at NASCAR Craftsman Truck Series sa SPEED Channel.