Joseph Vrindts
Èn årtike di Wikipedia.
Joseph Vrindts a skepyî e 1855 et a morou e 1940. I fourit spoté "li prince des fjheus d' rimeas". A scrît bråmint des powezeyes e walon, ramexhnêyes dins "Les Boukets tot fwaits" (1893), "Påjhûles rimeas" (1897), "Lingaedje et acsegnance des fleurs et des plantes walons" (1898), "Vî Lidje" (1901), "Viyès airs et noveas respleus" (tchansons, 1907), "Racontroûles et råtchåds" (1920). A scrît eto on roman "Li pope d' Anviesse" (1896), et 23 pîces di teyåte, ki les pus djowêyes ont stî: "On djudi d' fiesse" (1887), "Madame Nonård" (1900), "L' eritaedje" (1900), "Li siermint da Gretri" (1908 & 1928); "Li vî mestré" (sins date). I rascoda li Pris del Veye di Lidje e 1927. Il a fwait tos les mestîs: coibjhî, livrî, cåbartî, bibiotekî.
Joseph esteut todi moussî come èn årtisse avou on flo åsracawetes, si cawe d' aronde eyet si tchapea d' batlî. Eto, a divnou ene vicante paskeye di l' istwere des vîs coulots d' Lidje: Sint-Foyin et Djudla Mouze.
[candjî] Rimimbrances da Djôzef Vrindts el Walonreye
Vrindts va divnou on modele des belès letes e walon. Djôr Simenon dirè, metans: "Leyîz mu aprinde li mouwant lingaedje da Defrecheux et da Vrindts. Les soces di belès letes lidjwesses, li Caveau Liégeois eyet La Wallonne, ki skepièt e 1872 et 1892, endè vont fé leu mastoke. Li prumire va drovi on souscrijhaedje publike po lyi fé fé ene posteure, ki serè metowe a l' aite di Robiemont, la k' ele va siervi d' radjoû a mwints Lidjwès. (Mins li posteure a stî hapêye e 1993).
L' anêye 1995 fourit rclamêye "anêye Vrindts", et les minmes soces di belès letes vont vudî on ptit live avou tos scrijhaedjes so Djudla, k' i lomît Floriliège.
