Èn årtike di Wikipedia.
| Zigomicetes |
|
| Classifiaedje syintifike |
|
|
| Ôres |
- Mucorales
- Endogonales
- Entomophthorales
|
Les Zigomicetes constitouwèt ene des cwate divizions des tchampions actuwelmint ricnoxhowes. Di taye li pus sovint microscopike, c' est des tchampions a spôres ki n' ont pont di flayales, et ki les celures èn sont nén separêyes pa des clwezons, leu tale estant keunocitike ou sifoné. I dvèt leu no a leu mode di mopliyaedje, ki s' fwait pa issogameye avou fôrmåcion di zigospôres (do grek zugos = cope). On distingue troes grands ôres di Zigomicetes:
- Les Mucorales : pa des côps parazites di l' ome (adjints di zigomicozes); c' est å pus sovint des tchamosseures, dins bén des cas foirt impôrtants po l' industreye tchimike ou farmaceutike. Kékes djinres : Mucor (nombreusès espèces come li poy di tchet des froumadjes), Absidia, Rhizopus.
- Les Endogonales : abondants dins les teres, i vikèt e simbioze avou bråmint des plantes dizeutrinnes.
- Les Entomoftorales : parazites di plantes et d' biesses.
