Laoang, Northern Samar

Tikang ha Wikipedia

An Laoang usa nga ikatulo nga klase nga bungto sa probinsya san Northern Samar sa Sinirangan nga Kabisay-an nga rehiyon sa Kabisay-an sa Pilipinas. An Laoang ngaran gihapon san isla nga kon diin nahamutangan an poblacion san bungto pero an kahaluag san Laoang diri la tubtob san isla san Laoang kondi pati gihapon san hagrani nga mga isla-isla. Sumala san 2000 nga census, mayda ini populasyon nga 54,523 ka tawo sa 10,032 nga panimalay.

Sulod 1 Heyograpiya 2 Katawhan ngan Kultura 3 Mga Baranggay 4 Kasaysayan 5 Mga Sumpay sa Gawas

[igliwat] Heyograpiya

An bungto san Laoang nahamutangan sa amihanan nga dapit san probinsya san Northern Samar. Sa habagatan sa bungto mabibilngan an bungto san Catubig. Sa sidlangan mabibilngan an bungto san Palapag. An bungto san Pambujan mabibilngan sa katundan san Laoang. Sa amihanan san Laoang amo an Dagat Pilipinhon.

An kahaluag san Laoang 214.70 ka kwadrado nga kilometros. Nalalakip san kahaluag san Laoang in mga baranggay sa isla san Samar ug mga baranggay sa mga isla san Laoang, Batag, ug Cahayagan. Dida sa isla san Laoang an poblacion. An isla san Laoang dida nahamutangan sa ganghaan san Salog Catubig ngadto sa Kalawdan Pacifico.

[igliwat] Katawhan ngan Kultura

Winaray an lumad nga yinaknan san Laoang. Katolisismo Romano an relihiyon san kadam'an nga tawo sa Laoang.

[igliwat] Mga Baranggay

An Laoang mayda kalim'an kag unom (56) nga baranggay.

Abaton Auadahan Arogauga Atipolo Bawang Baybay (Pob.) Binaticlan Bobolusan Bongliw Burabud Cabadiangan Cabagoan Cabagugan Cagaasan Cabulaloan Cagdarao Cahayagan Calomotan Candawid

Cangcahipos Canyomanao Catigbian E.J. Dulay G.D.Ian Gibatangan Guilaoangi (Pob.) Inamlan Langob La Perla Lawaan Little Venice (Pob.) Magsaysay Marubay Mualbual Mapotiocan (Salvacion) Oleras Onay (Doña Luisa)

Palmera Pangdan Rawis Rumbong San Antonio (Son-og) San Miguel Heights (Pob.) Sto. Nino (Calinta-an) (Pob.) Sangcol Sibunot Simera Suba Talisay Tan’awan Tarusan Tinoblan Tumagingting (Pob.) Vigo Yabyaban (San Vicente) Yapas

Karuhaan kag walo (28) san mga baranggay adto sa isla san Samar, samtang karuhaan kag walo (28) ginbabahinbahin sa mga isla san Laoang, Batag, ug Cahayagan. An poblacion sa Isla san Laoang mayda unom (6) nga baranggay.

[igliwat] Kasaysayan

Sumala san opisyal na kasaysayan san bungto san Laoang, an Laoang gintukod sin tulo nga magburugto tikang sa Palapag. An ngaran na Laoang tikang daw san pulong na lawag na usa nga klase sin suga na ginagamit san mga nananagat sa gab-i. Nakita san mga Katsila ini nga mga suga ug nagpaki-ana sa mga umurukoy kon ano an mga suga ngan an baton san mga taga-dida lawag. Nasayop san mga Katsila an pagluwas ini amo nga nahimo an ngaran nga Laoang.

[igliwat] Mga Sumpay sa Gawas

• ELGU/Opisyal nga websayt san Laoang
• Philippine Standard Geographic Code
• 2000 Philippine Census Information