הילף:רעדאקטירן
פֿון װיקיפּעדיע
 |
דער בלאט איז אן אפיציעלער אנווייזונג פאר דער יידישער וויקיפעדיע וואס איז ברייט אנגענומען דורך שרייבערס. כאטש עס איז ראטזאם נאכצופאלגען די אנווייזונגען דערינען, איז עס אבער נישט קיין פאליסי. אויב ווילט איר ענדערן דעם בלאט, מאכט זיכער אז עס איז דא אויף אייערע טוישונגען א קאנצענזוס. אויב האט איר א ספק דאן רעדט עס דורך אויפ'ן רעדן בלאט. |
אינהאַלט |
[בעאַרבעטן] דאס ענדערונג סיסטעם
עס טרעפט זיך צומאל אז איינער וועט אפשרייבן א גענצליכער ארטיקל, גוט אויסגעלייגט מיט א גוטן שפראך און אפשר אפילו מיט בילדער און מקורות. ווען דאס פאסירט איז עס א געשמאק צו זען. דאס איז אבער א זעלטנהייט. די מערהייט פון וויקיפעדיע ארטיקלען ווערן געשריבן קודם קורץ דורך איינעם, און דערנאך קומען אנדערע און פארבעסערן עס ביז עס ווערט א גענצליך אויסגעארבעטע ארטיקל.
דאס איז די מעלה פון די וויקי סיסטעם. אן ארימע ארטיקל פון אפאר שורות קען זיך מיט די צייט אנטוויקלען צו אן הערליך אויסגעארבעטע מייסטערווערק.
יעדע באנוצער איז אויפגעפאדעט צו ענדערן און מעקן און טוישן וואס ער האלט איז מער אויסגעהאלטן אין אן ארטיקל. וויקיפידיע איז א רשות הרבים וואס מיטן כוח הרבים קען מען אהערשטעלן א געשמאקע ריזן וועלט פון אינפארמאציע וואס זאל זיין ריכטיק און אויסגעהאלטן ווי ווייט מעגליך.
[בעאַרבעטן] וויכטיגע אנווייזונגן
די וויקיפעדיע באנוצער האבן פארשידענע צוגאנגען צו שרייבן און ענדערונגען. דער הויפט פונקט איז אז אלע זאלן ארבעטן געמיינזאם און גוטוויליג אויף צו פארבעסערן דעם ענציקלאפעדיע. דאך זענען דא אפאר אנווייזונגען וואס איז ווערט מען זאל געדענקען.
[בעאַרבעטן] די אפיציעלע פאליסיס
עס איז ראטזאם אז באנוצער באקענען זיך מיט די אפיציעלע פאליסיס און אנווייזונגען פאר די יידישער וויקיפעדיע. דאס מאכט זיכער אז אלע פארשטייען די הויפט יסודות פון וויאזוי עס גייט צו דאס שרייבן און פארעכטן וויקיפעדיע בלעטער.
קליק דא פאר די אפיציעלע פאליסיס און אנווייזונגען
[בעאַרבעטן] זיי דרייסט ביים ענדערן
עס איז וויכטיג אז מענטשן זאלן זיך פילן פריי צו טוישן און פארבעסערן אן מורא אז מען וועט עפעס קליא מאכן. עס פארשטייט זיך אז צו יעדן כלל איז דא א יוצא מן הכלל, און כאטש איר זענט געראטן צו זיין דרייסט, איז אבער דא פעלער, ווי צ.ב.ש. קאנטראווערסיעלע אדער לאנג אויסגעארבעטע ארטיקלען, וואס עס לוינט זיך קודם איבערצושמועסן אין די רעדן בלעטער.
קליק דא פאר נאך פרטים איבער דעם זיי דרייסט פרינציפ
[בעאַרבעטן] אויסמעקן
כאטש עס איז אפטמאל וויכטיג צו מעקן, איז אבער ראטזאם צו זיין פארזיכטיג און זיכער מאכן אז דער מעקן איז דער ריכטיגער שריט. אויב ווילט איר מעקן גרויסע חלקים פוןo אן ארטיקל, רעדט דאס קודם אדורך אויפ'ן רעדן בלאט.
פאלגנד זענען עטליכע גילטיגע סיבות אויף צו מעקן:
- געדאפלטע תוכן
- אומרעלעוואנטע שטיקלעך
- קלארע נארישקייטן
- באשמוצונגען וואס האבן נישט קיין מקור
- קאפירייט פארלעצונגען
- נישט ריכטיגע פאקטן
צומאל לוינט זיך די פאלגנדע ענדערש ווי מעקן:
- אויסבעסערן דעם שפראך, אבער לאזן דעם אינהאלט
- אריבער ריקן חלקים פון די טעקסט צו אן אנדערן(אדער א נייע) ארטיקל
- צולייגן מער פרטים פון אן אנדערן צד כרי צו מאכן דעם ארטיקל באלאנסירט.
אויב האלט איר אז עס איז דוקא יא וויכטיג צו מעקן אדער איבערצושרייבן אינגאנצן, דאן לייגט געמעקטע שטיקלעך וואס זענען ווערט צו דיסקוסירן אין דעם רעדן בלאט.
געדענקט: אפילו אויב איר האלט עפעס איז נישט ריכטיג, האט עס אבער איינער געלייגט דארט און מסתם געהאלטן אנדערש ווי אייך. דעריבער, לייגט א באמערקונג אויפקלערנדיג אז דאס איז פאלש.
טאמער איר האלט אז דער ענדערונג איז מער נוגע צום באנוצער דאם שרייבט דאס אין דעם באנוצער רעדן.
אויב מעקט איר א קעפל אלץ דער יידישער דיאלעקט, ביטע רעכנט זיך מיט אנדערע און קלערט אז טאמער איינער האט אזוי געשריבן מסתם איז זיין דיאלעקט אזוי, און מאכט א רידיירעקט. אז נישט וועט איר באליידיגען דעם אנדערן באנוצער און אים פארטרייבן מיט זיינע אלע חברים וואס רעדן ווי אים יידיש.
[בעאַרבעטן] קאנטראווערסיעלע נושאים
אין א פראיעקט ווי וויקיפעדיע איז נישט מעגליך עס זאל נישט אריינקומען קיין נושאים וואס עס וועט זיין אין דעם שארפע חילוקי דעות. עס איז וויכטיג אז באנוצער זאלן זיך האלטן דעם קאפ און נישט ווערן אריינגעשלעפט אין קריגערייען און טענה'רייען איבער די נושאים.
די כוונה פון וויקיפעדיע איז צו האבן קראנטע און מקורות'דיגע אינפארמאציע איבער סיי וועלכע נושא.
פאלגענד זענען עטליכע אנווייזונגען אויף דער טעמע:
- אויב זעט איר אינפארמאציע וואס איר האלט אז דאס איז פאלש, פרובירט צוצולייגן א זאץ ווי "דער צד האלט...", אדער "עס זענען דא וואס זאגן...", וכדו'. דערנאך לייגט צו דעם צווייטן צד עס צו באלאנסירן.
- אויב האט איר נישט קיין שום ספק אז די אינפארמאציע איז פאלש, אדער אז עס איז א נארישע, קינדערישע, אדער אבסורדישע פאקט, דאן מעקט דאס אויס און גיבט אייערע סיבות קלאר אין דעם ארטיקל'ס רעדן בלאט.
- צומאל וועט זיין ריכטיגע אינפארמאציע געברענגט מיט א מקור, וואס איינער וועט מעקן פאר פארטייאישע סיבות אָדער אָן אָנגעבן אַ סיבה. אויב איז קלאר אז דער מאטיוו אז פארטייאיש אדער פערזענליך דאן איז דאס וואנדאליזם. לייגט יענעם א ווארענונג אין זיין רעדן בלאט. זייט אויפמערקזאם אז עס איז נישט קיין וואנדאליזם אויב האט יענער געמיינט אויף צו פארבעסערן. גייט בדרכי נועם און פרעגט זיך אן ביי יענעם וואס זיין כוונה איז געווען.
עס וועט אייביג זיין יחידים מיט שמאָלע אַגענדעס וואָס וועלן מעקן גוטע זאַכן און שרייבן פאַלשע אינפאָרמאַציע. דאָס מערהייט באנוצער וואָס קומען זיך צוזאַמען אויף איין פּלאַץ זיך דורכרעדן, ווערן זייערע פּערזענליכע דיפערענצן פאַרמינערט קעגן דעם מעכטיגען רוב פון זייערע שותפות'דיגע ריכטיגע דעות און אינפאָרמאַציע. קומט אויס אַז סוף טאָג וועט דער אמת זיגן.
וויקי איז אַ קאָמפּיוטער פּראָגראַם געווידמעט ספּעציעל צו ערייכען דעם ציל, עס געבט די כוח פון רוב דעות אויסצומעקן און פארעכטן די פאלטשע, פּערזענליכע אדער פארטייאישע אינפאָרמאַציע וואָס פארדרייען דעם אמת. ווייל דער בעסטער מיטל צו וויסן וואס איז פאלטש איז דער כוח הרבים.
אַלע תיקונים און רעאַקציעס פון יעדער ענין קען יעדער ליינען און אָפּמאכן אויב עס איז באַרעכטיגט. אויב באַשליסט א ליינער אַז דאס איז בטעות געטוישט געווארן קען מען דאס צוריק פארעכטן. אויב דאס ווערט א לאנגער קאמף אַהין און צוריק ווענד אייך צו אן אדמיניסטראטור אדער ווארט אביסל ביז דער וויכוח וועט זיך אפשטילן.
דער נושא פון ר' אהרן און ר' זלמן לייב טייטלבוים איז איין אזא ענין וואס טוט זיך אָפּ קאמפן צווישן זיינע חסידים און מתנגדים. אבער דאס ווערט כסדר פאראכטען אהין און צוריק. עס איז ראטזאם אין די פעלער צו זיין שטארק פארזיכטיג זיכער צו מאכן אז מען לייגט אמת'ע, און נייטראלע אינפארמאציע. מיט איינגעהאלטנקייט און אויסגערעכנטקייט וועט דער אמת'ער בילד ארויסקומען פון אלע צדדים אין דעם ענין.
[בעאַרבעטן] טעכנישע הילף
העכער די גוף המודעה איז דא פיר טעבס, 1. ארטיקל 2. רעדן 3. ענדערן. 4 געשיכטע. (אויב זענט איר איינגעשריבן האט איר נאך פיר טעבס)
איר קוועטשט אויפן צווייטען טעב: ענדערן, און הייבט אן מעקן איבערשרייבן ככל הטוב בעיניך. אלע אייער ארבייט גייט אריין אין היסטאריע, וואס יעדער איינער וועט קענען זעה אין די געשיכטע טעב. און דאס צוריק טוישן דארטן מיט איין קוועטשט.
| רעדאקטירן |
|---|
| הייבט אן א נייעם ארטיקל |
| ארטיקל נאמען |
רעפערענסינג |
| לינקס |
| Piped links |
| אינטערשפראך לינקס |
| אינטערוויקי לינקען |
| נאטיץ פיסלעך |
פארמאטונג |
| Wikitext |
| ליסטעס & טבלאות |
| בילדער און אנדערע פיילס |
| Formulae |
ארגענאזירונג |
| אפטיילונגען |
| קאטעגאריעס |
| ווייטערפירונגען |
| נעימספעיסעס |
| באוועגן אן ארטיקל |
| בלאט סייז |
פארעכטן טעותים |
| צוריקדרייען עדיטס |
| פאראויסדיגע ווייזונג |
שפארען טירחה |
| Editing shortcuts |
| Edit toolbar |
| Magic words |
| מוסטערן |
| Variables |
| Calculation |
קאמיוניקאציע |
| קורץ ווארט |
| רעדן זייט |
| עדיט קאנפליקט |
| Minor edit |
אנדערע |
| Characters |
| זאמדקאסטען |
