שמואל בנימין קרויס
פֿון װיקיפּעדיע
ר' שמואל בנימין קרויס איז דער צדיק פון אייראפע וואס אסאך אידן איבערהויפט וואס קערן זיך אן אין די סאטמאר ארונים קרייזן, זענען פארגלייבט אין אים, אז ער ווייסט אלעס, און ער קען מאכן נסים, און פועלן ישועות, גרויסע עשירים ווענדן זיך צו אים פאר זיי מאכן עני ביזנעס טראנזאקציע, אדער סתם אידן פאר זיי טוען שידיכים צו בעטן א ברכה אז אלעס זאל גיין גוט, און אפילו יונגע בחורים שעהמן זיך נישט איהם צו אנציריפן אויפ'ן טעלעפאן ריפען פאר א פארלוירענע פאהר גלעזער, תפילין, פאספארט וכדו'
זיין גרויסקייט האט זיך אנגעהויבן יארן לאנג זיין אן איינגעשטעלטער מגיד שיעור אין תורת חסד ישיבה אין היטשען און אין לונדון, דארטן האבן זיינע מופתים געטראגן א בחורישע פארעם, ווען מען האט עפעס געברויכט אוועק פארן פון ישיבה אן רשות אדער טרעפן א פארלוירן היטל וכדו' פלעגט מען צו אים גיין פאר א ברכה, און מיט'ן אריינקוקן אין זיין "תהילים" איז אלעס געווארן ערלעידיגט. די מיסטישע כוחות איז צעביסלעך געווארן פארשפרייט, און ער איז געווארן מער און מער אנגענומען, היינט ווען ער קומט קיין אמעריקע ספעציעל אין קרית יואל ווארן א רייע און מען קען נישט סתם אזוי אריינגיין צו אים.
ער איז א געוואלדיגער גוט הארץ וואס זארגט זיך פאר יעדן אלטן בחור אנצוטראגן שידיכים, און ער איז א ארימאן וואס וואונט זייער שפארעריש, און מיט זיינע געלטער וואס מענטשן געבן אים שטיצט ער א כולל, און געט צדקה.
מאנכע זאגען אז ער זעהט אויס ווי די "בעל שם טוב" אליינ'ס מיט זיין פארצייטיש'ן אויסזעהן, זיינע אויגן זענען זייער טיפע און שפראצן מיט אהבת ישראל ווען א איד רעדט צו אים זיך אראפ פון הארצן, מען זעהט אז ער איז כל כולו פארווייטאגט אינעם אידס פראבלעם.
ער דינט אלס רב אין די דריטע סאטמאר שול אין סטעמפארד היל.
רב קרויס איז א חסיד נאמן פון סאטמאר רבי ר' אהרן טייטלבוים שליט"א. ווען סאטמאר רבי האט חתונה געמאכט זיין אינגסטע קינד ב' חשון תשס"ז, איז ער ספעציעל געקומען צופארן צו די חתונה קיין קרית יואל נו יארק, ווי מען האט איהם מכבד געווען מיט עידי קידושין, אין מיטן די סעודה איז איהם שלעכט געווארן, ער איז צאמגעפאלן אין געכאפט אן ערענסטע סטראוק.
