Freiburger Seen
Us der alemannische Wikipedia, der freie Dialäkt-Enzyklopedy
| Friburger Seä | |
|---|---|
| Stadtkreis Friburg im Brisgau (FR) Bade-Württeberg, Dütschland |
|
 |
|
| Allgmeins | |
| Künstlichi Seä, in dr Regel ohni Zue- un Abfluss. | |
| 1 - Tunisee (Hochdorf) | |
| 198 m y. NN / 0,082 km² | 48° 03′ 58" N, 07° 48′ 52" O |
| 2 - Brisgausee (Hochdorf) | |
| 198 m y. NN / 0,037 km² | 48° 03′ 43" N, 07° 49′ 04" O |
| 3 - Moosweiher (Landwasser) | |
| 218 m y. NN / 0,074 km² | 48° 01′ 50" N, 07° 48′ 16" O |
| 4 - Flückiger See (Betzehüse ) | |
| 239 m y. NN / 0,152 km² | 48° 00′ 38" N, 07° 49′ 07" O |
| 5 - Dietebachsee (Wigarte) | |
| 238 m y. NN / 0,035 km² | 48° 00′ 06" N, 07° 48′ 08" O |
| 6 - Waldsee (Waldsee) | |
| 305 m y. NN / 0,008 km² | 47° 58′ 58" N, 07° 52′ 38" O |
| 7 - Walderschhoufemer See (Walderschhoufe) | |
| 209 m y. NN / 0,045 km² | 48° 00′ 45" N, 07° 45′ 56" O |
| 8 - Obfiger See (Obfige) | |
| 209 m y. NN / 0,420 km² | 47° 00′ 21" N, 07° 45′ 28" O |
| 9 - Chleiner Obfiger See (Obfige) | |
| 209 m y. NN / 0,016 km² | 47° 59′ 48" N, 07° 44′ 32" O |
| 10 - Arlesemer See (Dienge) | |
| 210 m y. NN / 0,060 km² | 47° 59′ 08" N, 07° 44′ 44" O |
| 11 - Rüttimattesee (Dienge) | |
| 205 m y. NN / 0,013 km² | 47° 58′ 54" N, 07° 43′ 46" O |
Uffem Friburger Stadtgebit lige mehreri grösseri un kleineri Seä, wo allisamt künstlich aglegt sin. Bis uf dr Waldsee, wo eiges as e Usflugszil fer d'Wihremer Bevölkrig aglegt worre isch, sin alli andere Seä as Baggerseä entstande un dementsprechend mit Grundwasser ufgüllt. Numme dur dr Obfiger See fliesst e Bach, doch säller längt bi wittem nit us, dr Wasserhushald vum See z'bestimme. Dr Obfiger See isch au dr einzig, wo noch Kiis un Sand usbaggeret wird.
Inhaltsverzeichnis |
[ändere] Tunisee
Dr Tunisee isch e Badesee bi Benzhuse im Stadtdeil Hochdorf, umiddelbar nordöstlich vum Autobahnaschluss Friburg Nord an dr A5. Er lit im e Campingplatzgelände.
[ändere] Brisgausee
Dr Brisgausee - au as Silbersee bekannt - lit gli südlich vum Tunisee uffem gliche Campingplatz. Dr Brisgausee isch ebefalls e Badesee un dur e Damm vum e parallel verlaufende kleinere See trennt.
[ändere] Moosweiher
Dr Moosweiher lit im Stadtdeil Landwasser im e Park umiddelbar am End vu dr Strossebahnlinie 1 vu dr Friburger Verkehrs AG. Er isch ebefalls e Badesee. Bim Friburger Triathlon findet im Moosweiher s'Schwimme statt.
[ändere] Flückigersee
Dr Flückigersee zwische dr Stadtdeile Betzehuse un Mooswald lit midde im Seepark innerhalb vu dr gschlossene Bebauig vu dr Stadt. Er isch ebefalls e Badesee, am Nordostufer befindet sich mit em Westbad s'grösst Friburger Schwimmbad, um dr Südsite isch d'StuSi, d'Friburger Studentesidlig. Yber zwei Strossebahnhaldestelle isch dr Flückigersee sehr guet erreichbar. D'Wasserqualität wird bi längere Hitzeperiode allerdings nimmi ideal. Dr Seepark isch 1986 s'Gelände vu dr Landesgarteschau z'Friburg gsi.
[ändere] Dietebachsee
Dr Dietebachsee lit im Weste vum Stadtdeil Wigarte im e grosse Park un isch ebefalls e kleine Badesee. Yber e Parkplatz an dr Westrandstross isch er guet mitem Auto erreichbar, dur e hervorragends Radwägnetz erschlosse un öppe 500 m vu dr nächste Strossebahnhaldestelle entfernt.
[ändere] Waldsee
Dr Waldsee isch dr äldist Friburger See. Er lit im Dreisamdal südlich vu dr Hölledalbahn im Stadtdeil Waldsee, wo uf dr See daift isch, un isch e beliebts Usflugszil mit Restaurant. Bade isch nit möglich, aber es git e Bootsverleih. Im Winter wird dr See, wenn s'Iis dick gnueg isch, zum Schlittschuehlaufe freigäbe.
[ändere] Walderschhoufemer See
Dr Walderschhoufemer See lit westlich vu dr A5 im Mooswlad uf dr Gmarkig vu Walderschhoufe. Er wird vum Grundwasser vum ehemolige Riselfeld gspeist un isch dorum starch eutrophiert, so dass d'Wasserqualität fer s'Bade z'schlecht isch. Angle isch - mit Angelschin entsprechend vu dr Bestimmige - möglich.
Wäge dr Eutrophierig het mer au dr Plan, ihn mit em 100m südlich glägene Obfiger See z'verbinde, wiider falle lo.
[ändere] Obfiger See
Dr Obfiger See uf dr Gmarkig vu Obfige ziegt sich 100 m südlich vum Walderschhoufemer See öppe 1,5 km an dr Westsite vu dr A5 entlang, vu dert dur e öppe 100m breite Streife mit eme 5-8m hoche Damm trennt. Dr See isch 200m, in dr Middi no 600m breit. Er isch dr bi wittem grösst Friburger See un dr einzig, wo noch Kiisabbau betribe wird. Säller stoht allerdings inzwische vor dr Istellig. Dr Obfiger See lit midde im Mooswald un isch dr beliebstist Badesee, wo im Süde au Grillmöglichkeite un e Kiosk het. Dr nördlich Beriich stoht under Naturschutz. Bis in die 1990er Johre het mer au vili Windsurfer uffem See gsähe, doch isch säller Sport inzwische us dr Modi chumme. D'Uferwäg sin alli gschottert un im Süde isch e grosse Parkplatz im Wald. Die nächst Bushaldestelle isch öppe ei Kilometer entfernt bim Chleine Obfiger See. S'Nordufer cha mer vum Riselfeld un Mundehof us guet mit em Fahrrad erreiche.
Als einziger Friburger See het dr Obfiger See au e Zue- un e Abfluss, aber säller isch fer dr Wasserhushald bedütigslos. Dr See hängt wie alli anderi Baggeseä au am Grundwasser.
[ändere] Chleiner Obfiger See
Dr Chlei Obfiger See lit ebefalls im Mooswald südlich vu dr Stross nooch Obfige. Si Ufer isch e beliebte Grillplatz. Bade cha mer au, aber e Sprung ins Wasser dient vornähmlich dr Abchüehlig.
[ändere] Arlesemer See
Dr Arlesemer See im Diengemer Bann vum Mooswald lit östlich vu dr A5 schwer zuegänglich im e Naturschutzgebit, wo anno 1966 igrichtet worre isch. Witteres zue sällem See im Hauptartikel.
[ändere] Rüttimattesee
Dr Rüttimattesee zwische Dienge un em Autobahnaschluss Friburg Süd isch als ehemolige Baggersee besser underem Namme Diengemer Baggersee bekannt. Er isch mit 1,3 ha Flächi e zimli kleine Badesee un si Ufer wird gern fer Partys gnutzt. In heisse Summer ka dr See mitunder umkippe un Bade isch no nimmi möglich.
[ändere] Quellehiwiis
D'Date beruehe uf Agabe vu dr digitale amtliche Landkarte 1:25.000 vum Landesvermessigsamt Bade-Württeberg. D'Seeflächene sin mit em Flächevermessigstool vu dr Software usgmesse, d'Höheagabe beruehe uf dr Isohypse vu dr Karte. Dementsprechend sin d'Flächeagabe mit ere Usicherheit vu circa 5%, d'Höheagabe mit circa 3 m. Anhand vu dr Karte isch au georeferenziert worre, nooch Möglichkeit gäbbe d'Koordinate d'Seemiddi a.
