Montes Alpes
Us der alemannische Wikipedia, der freie Dialäkt-Enzyklopedy
 |
Dialäkt: Markgräflerisch (Ebringe) |
D' Montes Alpes sin e Gebirgszug in dr nördliche Hälfti vu dr Mondvordersite un nooch dr europäische Alpe benennt.
Dr Gebirgszug bildet die nordöstlich Gränze vum Mare Imbrium. Säll Mondmeer, in dem sich fast cheini uffällige Formatione befinde, bildet d'Westsite vu dr Mondalpe. Degege lit uf dr Ostsite e stärcher strukturierts Hochland mit ere dütlich hellere Albedo. D'Gebirgschette fangt circa ei Kraterdurmesser nordwestlich vum Cassini-Krater bim Promontorium Agassiz a, erstreckt sich no yber 50 km nooch Nordweste un setzt sich schliessli - streckewiis underbroche - bis zum Krater Plato furt. In sällem Abschnitt befindet sich au s'Rinnesystem Rima Plato.
S'nordwestlich Drittel vum Gebirge wird dur s'Vallis Alpes vum restliche Gebirge trennt. Es handelet sich do um e breite, bis zue 20 km breite Grabe, wo sich us ere schmale Schlucht rus yber circa 180 km bis hi zum Mare Frigoris erstreckt. D'SDalmiddi durziegt e schmali Schlucht.
Bi ebba eim Driddel Längi vum Gebirgszug vu Südoste her befindet sich dr Mons Blanc. Dr lunare Mont Blanc erreicht e Höchi vu 3,6 km yber em Niveau vum Mare Imbrium. Im Allgmeine erreiche d'Gipfel in dr Alpe numme Höchene vu 1,8 bis 2,4 km. Uf halbem Wäg zwische Mons Blanc un em Promontorium Agassiz befindet sich s'Promontorium Deville. Südwestlich vum Promontorium Agassiz lit dr isoliert, 2,3 km hoch Mons Piton.
