Guernica (cuadro)
De Biquipedia
|
||||
|---|---|---|---|---|
| Cuatrón informatibo | ||||
| Pintor | Picasso | |||
| Año | 1937 | |||
| Estilo artistico | Cubismo | |||
| Tecnica pictorica | Olio sobre lienzo | |||
| Dimensions | 351 x 776 cm | |||
| Localizazión | Museo Nacional Centro de Arte Reina Sofía (Museu Nazional Zentro d'Arte Reina Sofía) Madrid, España |
|||
O Guernica ye ro nome d'un famoso cuadro de Pablo Picasso, que tien como enchaquia ro bombardeyo de Guernica. O Gubierno d'a Republica Española encargó a Picasso un cuadro que emperifolla-se a Nabada Española mientres l'Esposizión Internazional de 1937 en París. Picasso reyalizó un cuadro cubista esprisando ra suya bisión d'o bombardeyo y lo clamó Guernica. Ha pasato a estar una obra alazetal.
Empezipió ro 1 de mayo de 1937, o 8 de mayo se ficó ra mai y ro caballo y o 11 de mayo empezipió n'o estopazo remate dica ro 4 de chunio.
O Guernica de Picasso muestra presonas, animals y edifizios estricallatos per a biolenzia y o caos cheneratos per as bombas. Ta muitos, iste cuadro tranca ra inumanidá, bestieza y crueleza d'a guerra.
A garrispería cromatica ye combenién d'o tema d'o cuadro. A primera imaxen que Picasso beyó d'o bombardeyo estió á trabiés d'os diyarios franzeses, lo que propizia a tioría de que plasmó l'orror que er entrefiló, reflexando-lo con tons negros e blancos.
O suyo composizión apresta ras feguras a modo de "friso" de templo griego, con un encuadramiento triangular d'as mesmas. A zeñata diagonal d'a muller d'a parti d'abaxo cucha empenta ra güellada d'o espeutador de dreita á cucha, rematando n'o quinque y ra bombiella superiors.
Autualmén se troba en esposizión remanén n'o museu Reina Sofía en Madrid, España.
[Editar] Istorietas denzima ro cuadro
- Diz a falordia que en 1940, con París ocupata per os nazis, un ofizial alemán, déban d' a foto d'una reproduzión d'o Guernica, li preguntó ta Picasso que si yera er o que eba feito ixo. O pintor li diz: «No, han estau bustez».
- Dizen que cuan Dolores Ibárruri, "A Pasionaria", beyó o cuadro n'o Casón d'o Güen Retiro (Casón del Buen Retiro), dizió con una boz queda y baxa: «A Guerra Zebil ha rematato».
- Cuan o cuadro se esposó en Nueba York, t'o termín d'o desembolique, os fainers que partizipaban d'o armato d'as obras d'a esposizión (a mayoría ni sisquiera conoxeban t'o pintor), se quitoron os cascos de proteuzión en siñal de benerazión e d'almirazión.
