Los Draps
De Biquipedia
| Los Draps | ||
|---|---|---|
 Logo de Los Draps
|
||
| Informazión cheneral | ||
| Orixen | Peñarroya, Matarraña  |
|
| Estilo(s) | Punk-core, Folk | |
| Tiempo | 1997 - ... | |
| Sitio web | www.LosDraps.net | |
| Miembros | ||
| Espígol Kolores Flare Jorgito Txutxa Cresteta Rosset |
||
Los Draps son un grupo aragonés de mosica en catalán, formato en a redolada d'o Matarraña. O suyo estilo mosical ye o punk-core entrepitato con instrumentos tradizionals aragoneses como a dulzaina.
Contenius |
[Editar] Istoria
O grupo prenzipio en l'añada 1992 tocando en as fiestas d'os lugars d'o Matarraña y arredols, fendo sobre tot bersions de cantas d'atros grupos.
En 1997 o grupo estió establito ofizialmén. Dentran en o grupo Torretes (batería), Rosset (teclau) y Arsís (baxo) antimás de Guenen y Colero que yeran os guitarristas (o segundo antimás o cantaire). A primera autuazión d'o grupo estió en o estiu de 1998 en Peñarroya chunto con as collas d'A Codoñera Azero y Artrosis. Dimpués fazioron barios conziertos más por a redolada d'o Matarraña. Á la fin de 1999, Sisco dixó lo grupo estando sustituyito por Kolores, l'autual batería.
En o estiu de 2000 se grabó a maqueta "Terra de Frontera" y se fan conziertos importans por toda a cheografía d'a Francha y atros puestos como as Islas Balears, antimás s'encorpora á lo grupo lo guitarrista Txutxa.
Dani del Colero, lo cantaire, dixa o grupo en 2002. As nuebas bozes son Sérgio y Kolores y agora solo bi'n ha un guitarrista, Txutxa. Dentra en a colla Flare que toca a dulzaina fendo un cambeo en o estilo d'o grupo á punk-rock con gaita.
En frebero de 2004 graboron a canta "Matarranya", poesía d'o poeta Desideri Lombarte, natural de Peñarroya. Más tardi s'encorpora á lo grupo Jorgito, segundo dulzainero. Se fan grabazions de temas como "Cultura Popular", "Revolució" (Reboluzión) y "Feixistes" (Faxistas). En nobiembre d'ixa mesma añada dentra en o grupo lo guitarrista Marc (ex de Notinkson).
O suyo primer disco "No mos fareu callar!" (No mos farez callar!) aparixe en 2006, o disco encluye 11 cantas en catalán y una, Entalto lo pueblo en aragonés y destacan as colaborazions de Kapi (Azero), Isa, Miguel y Chabi (Prau), Kaspas (Visión Túnel), Josep (Temps al temps) y Jandro (Mallacán). Iste mesmo año a canta "Cultura Popular" rezibe o premio á la millor canta de luenga minoritaria d'Aragón en os VIII Premios d'a Mosica Aragonesa.
[Editar] Miembros
Os miembros autuals de Los Draps son:
- Espígol
- Kolores
- Flare
- Jorgito
- Txutxa
- Cresteta
- Rosset
[Editar] Discografía
Belas d'as suyas cantas han estato encluyitas en bels recopilatorios:
- Correllengua (2002)
- Binissalem (2002)
- Atles musical, una llengua de convit
- Una roella al cor
- Cultura de resistència vol.2 (2004)
