Pico Os Moros
De Biquipedia
| Pico Os Moros | |
 |
|
| Altaria | 3.144 m |
| Latitú | 42° 50′ N |
| Lonchitú | 0° 17′ U |
| Situazión | Muga entre España (Sallén de Galligo) y Franzia |
| Cordelera | Perinés |
| Primera puyada | 8 d'agosto de 1825 |
| Rota de puyada más fázil |
- |
O Pico Os Moros (Balaitus en español, Balaïtous en franzés) ye un mazizo de piedra molar d'os Perinés, situato en a muga entre España y Franzia, que siñala o prenzipio por l'este d'os Alters Perinés. O pico Os Moros (3.144 m.) ye o primer d'os Perinés que brinca os 3000 m. dende a costa atlantica.
Se situa entre a Bal de Tena (Sallén de Galligo) y a Bal d'Azun.
[Editar] Puyadas
- 1825 - A primera puyada d'o Pico Os Moros la reyalizoron os teunicos cheodesicos franzeses Peytier y Hossard dimpués d'aber feito tuca por error, debiu á la boira, en o Pico de Pallás.
- 1864 - A segunda puyada la reyalizó o gran perineista Charres Packe, que dimpués de barios intentos consiguió tuca creyendo estar o primer en lograr-ne, ta escubrir con sospresa las ebidenzias d'a primera puyada de 1825.
[Editar] Rotas de puyada
Esisten dibersas rotas de puyada á lo Pico Os Moros, pero denguna ye fázil, debiu á lo desnibel superior a 1500 m. que esiste dende cualsiquier punto de dentrada por carretera.
En a parti franzesa la rota más cutiana ye trescruzando o chelegar de As Neous saliendo de belún d'os cubillars d'a redolada, Larribet (2060 m), Balaïtous (G.Ledormeur) (1970 m) u Arrémoulit (2305 m).
En a parti española saliendo dende l'aparcamiento de A Sarra, amán de Sallén de Galligo, y dimpués, u indo-se-ne ent'os ibóns de Arriel u ent'o ibón y cubillar de Respumoso.
