Declaración Universal de los Derechos Humanos
De Uiquipedia
Declaración Universal de los Derechos Humanos
Resolución 217 (III) de l'Asamblea Xeneral de les Naciones Uníes, Nueva York, 10 d'avientu de 1948.
[editar] Consideraciones previes
La llibertá, la xusticia y la paz en mundiu fondaméntense na reconocencia de la dignidá inherente y de los derechos iguales y inayenables de tolos miembros de la familia humana,
La desconocencia y el menospreciu de los derechos humanos llevaren a actos de barbarie qu'ultraxaren la conciencia de la humanidá; aproclamóse como l'aspiración cimera del home l'avientu d'un mundiu nel que los seres humanos ensin remor seyan a disfrutar de llibertá d'expresión y creyencia,
Ye esencial un réxime llegal que protexa los derechos humanos en ficies de que nun se fuercie a les persones, como recursu postreru a la sollevación en contra de la tiranía y la opresión,
Tamién ye esencial promover el desenvolubramientu de rellaciones amistoses ente les naciones,
Los pueblos de les Naciones Xuníes roblaren na Carta l'enfotu nos derechos fondamentales del home, na dignidá y nel valor de la persona humana y na igualdá de derechos d'homes y muyeres; decidieren promover el progresu social y meyorar el nivel de vida dientro d'un conceptu más ampliu de llibertá,
Los estaos miembros apautárense en asegurar, en comuña cola Organización de les Naciones Xuníes, la promoción del respetu universal y efectivu de los derechos humanos y de les llibertaes fondamentales,
Una conceición común d'estos derechos y llibertaes ye de la mayor importancia pal cumplimientu dafecho d'esti compromisu, polo tanto.
L'Asamblea Xeneral
aproclama
esta Declaración Universal de Derechos Humanos como l'ideal común a algamar por tolos pueblos y naciones en ficies de que toles persones y instituciones, inspirándose de contino nella, promuevan, per aciu del enseñu y la educación, el respetu a estos derechos y llibertaes, y aseguren con midíes progresives de calter nacional y internacional, la reconocencia y l'aplicación universales y efectivos, tanto ente los pueblos de los Estaos Miembros como ente los territorios na so xurisdicción.
