Microsoft Windows
De Uiquipedia
Microsoft Windows ye un conxuntu de sistemes operativos ya entornos pa ordenadores personales y servidores.
El primer miembru de la serie nun foi un sistema operativu, sinón un entornu gráficu que creó Microsoft en 1985 y que trabayaba sobre MS-DOS (que yera el verdaderu sistema operativu). Desendolcáu por Bill Gates y Paul Allen, foi creáu pa competir col nuevu sistema d'Apple, l'Apple Macintosh. L'emplegu de Windows espardióse mui rápido, y bien ceo aportó a dominar el mercáu de los ordenadores personales col 90% de cuota.
Una carauterística importante ye que Windows nun ye software llibre; ye software propietariu, y el códigu fonte nun ye abiertu tampoco.
Windows desendolcóse pa ordenadores compatibles col PC d'IBM, basáu na arquiteutura x86 d'Intel, anque dempués ficiéronse delles versiones que funcionaben con otres plataformes (PowerPC, por exemplu).
